ಅಪ್ರಾಪ್ತ ಬುಡಕಟ್ಟು ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿ,ಆಕೆ ತಲೆ ಬೋಳಿಸಿದ ಗ್ರಾಮಸ್ಥರು

    

webmaster A | Updated: Feb 12, 2018 , 08:07 PM IST
ಅಪ್ರಾಪ್ತ ಬುಡಕಟ್ಟು ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿ,ಆಕೆ ತಲೆ ಬೋಳಿಸಿದ ಗ್ರಾಮಸ್ಥರು
ಸಾಂದರ್ಭಿಕ ಚಿತ್ರ

ನವದೆಹಲಿ: ಛತ್ತಿಸಗಡ್ ನ ಕವರ್ಧಾ ಜಿಲ್ಲೆಯಲ್ಲಿ ಬುಡಕಟ್ಟು ಸಮುದಾಯಕ್ಕೆ ಸೇರಿದ ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿ ನಂತರ ಸಮಾಜದ ಆದೇಶದಂತೆ ಅವಳ ತಲೆಯನ್ನು ಬೋಳಿಸಿರುವ ವಿಚಿತ್ರ ಘಟನೆ ನಡೆದಿದೆ. ಆಗಲೇ ಲೈಂಗಿಕ ಕಿರುಕುಳಕ್ಕೊಳಗಾಗಿ ದುಃಖಿತಳಾಗಿದ್ದ ಈ ಹುಡುಗಿಯನ್ನು ಅಪರಾಧಿ ಎಂದು ಪರಿಗಣಿಸಿ ಶಿಕ್ಷೆ ನೀಡಲಾಗಿದೆ ಎಂದು ತಿಳಿದುಬಂದಿದೆ. 

ಈ ಘಟನೆ ನಡೆದಾಗ ಗ್ರಾಮದ ಯಾವುದೇ ವ್ಯಕ್ತಿಯು ಈ ಹುಡುಗಿಯ ರಕ್ಷಣೆಗೆ ಬಂದಿಲ್ಲ ಮತ್ತು ಈ ಕುರಿತಾಗಿ ಪೊಲೀಸರಿಗೆ ಕೂಡಾ ಮಾಹಿತಿಯನ್ನು ನೀಡಿಲ್ಲ ಎಂದು ಹೇಳಲಾಗಿದೆ. ಈ ಬಾಲಕಿಯ ಪೋಷಕರು ದಿನಗೂಲಿ ಕಾರ್ಮಿಕರಾಗಿದ್ದು, ಕುಡಿದ ಮತ್ತಿನಲ್ಲಿ ಯುವಕರು ಈ ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ. ಈ ಘಟನೆಯನ್ನು ಗ್ರಾಮಸ್ಥರು ಕೂಡ ವೀಕ್ಷಿಸಿದ್ದಾರೆ. ತದನಂತರ ಆ ಅಪ್ರಾಪ್ತ ಬಾಲಕಿ ಮತ್ತು ಆರೋಪಿಗಳಿಗೆ ಗ್ರಾಮಸ್ಥರು ದಂಡ ವಿಧಿಸಿದ್ದಾರೆ.

ಅಚ್ಚರಿಯೆಂದರೆ ಆ ಬಾಲಕಿಗೆ ಕಿರುಕುಳ ನೀಡಿದ ವ್ಯಕ್ತಿಯನ್ನು ದಂಡ ಪಾವತಿಸಿದ ನಂತರ ಮುಕ್ತಗೊಳಿಸಲಾಗಿದೆ. ಆದರೆ  ಅಲ್ಲಿನ ಗ್ರಾಮಸ್ತರು ಊರಿನ ಎಲ್ಲ  ಸದಸ್ಯರಿಗೆ ಆಕೆಯ ಕುಟುಂಬವು ಮಟನ್ ಮತ್ತು ಆಲ್ಕೋಹಾಲನ್ನು ನೀಡಬೇಕೆಂದು ಆಜ್ಞೆಯನ್ನು ಹೊರಡಿಸಿದ್ದಾರೆ.ಈ ಘಟನೆ ನಂತರ ಆ ಬಾಲಕಿಯ ಇಡಿ ಕುಟುಂಬವು ಭಯದಿಂದ ಜೀವಿಸುತ್ತಿದೆ, ಅಲ್ಲದೆ ಆ ಹುಡುಗಿ ಮನೆಯಿಂದ ಹೊರಗಡೆ ಹೋಗಿಲ್ಲ ಎಂದು ತಿಳಿದುಬಂದಿದೆ. ಈ ಘಟನೆಯ ಕುರಿತಾಗಿ ಮಾಧ್ಯಮಗಳಲ್ಲಿ  ವರದಿಯಾದ ನಂತರ ಅಪರಾಧಿಗಳ ವಿರುದ್ಧ ಅವರು ಕ್ರಮ ಕೈಗೊಂಡಿದ್ದಾರೆ ಎಂದು ತಿಳಿದುಬಂದಿದೆ.

By continuing to use the site, you agree to the use of cookies. You can find out more by clicking this link

Close