ಪ್ರತಿವರ್ಷ ಕ್ರಿಸ್ಮಸ್ ಆಚರಣೆಯು ಡಿಸೆಂಬರ್ 25 ರಂದು ನಡೆಯುತ್ತದೆ. ಆದರೆ, ಯು.ಎಸ್.ನ ಒಂದು ಭಾಗದಲ್ಲಿರುವ ಸಿನ್ಸಿನ್ನಾಟಿ ನಗರದದಲ್ಲಿ ಈ ಬಾರಿ ಮೂರು ತಿಂಗಳ ಮೊದಲೇ ಕ್ರಿಸ್ಮಸ್ ಸಿದ್ಧತೆ ನಡೆಯುತ್ತಿದೆ. ನಿಗದಿತ ಸಮಯಕ್ಕೆ ಮೂರು ತಿಂಗಳ ಮೊದಲು ಕ್ರಿಸ್ಮಸ್ ಆಚರಣೆಯ ತಯಾರಿ ನಡೆಯುತ್ತಿದೆ. ಇದರ ಹಿಂದಿನ ಕಾರಣ ತಿಳಿದರೆ, ನಂತರ ನಿಮ್ಮ ಕಣ್ಣುಗಳು ತೇವವಾಗದೇ ಇರದು. ಈ ಪಟ್ಟಣದಲ್ಲಿ ವಾಸಿಸುವ ಜನರು ತಮ್ಮ ಮನೆಗಳ ಹೊರಗೆ ಕ್ರಿಸ್ಮಸ್ ಮರಗಳನ್ನು ಇರಿಸಿ ಅಲಂಕರಿಸುತ್ತಿದ್ದಾರೆ. ಇದೆಲ್ಲಾ ಮಾಡುತ್ತಿರುವುದು 2 ವರ್ಷದ ಕ್ಯಾನ್ಸರ್ ಪೀಡಿತ ಮಗುವಿನ ಸಂತೋಷಕ್ಕಾಗಿ.
ಎರಡು ತಿಂಗಳ ಸಮಯ ನೀಡಿರುವ ವೈದ್ಯರು:
ವಾಸ್ತವವಾಗಿ, ಬ್ರಾಡಿ ಅಲೆನ್ ಎಂಬ ಹೆಸರಿನ 2 ವರ್ಷದ ಈ ಪುಟ್ಟ ಕಂದಮ್ಮ ಮೆದುಳಿನ ಸಮಸ್ಯೆಗಳಿಂದ ಹೋರಾಡುತ್ತಿದ್ದಾನೆ. ಈ ವರ್ಷದ ಆರಂಭದಲ್ಲಿ ಅಲೆನ್ ಅವರು ಚಿಕಿತ್ಸೆ ಪಡೆಯುತ್ತಿದ್ದನು. ಆಗಸ್ಟ್ನಲ್ಲಿ, ವೈದ್ಯರು ಅವನಿಗೆ ಎರಡು ತಿಂಗಳು ಸಮಯ ನೀಡಿದ್ದಾರೆ. ಇದೀಗ ಆ ಮಗುವಿಗೆ ಚಿಕಿತ್ಸೆ ನಿಲ್ಲಿಸಲಾಗಿದ್ದು, ಇದರ ನಂತರ, ಅವನ ಕುಟುಂಬವು ಪ್ರತಿ ದಿನವೂ ಅವರೊಂದಿಗೆ ಆಚರಿಸಲು ನಿರ್ಧರಿಸಿತು.
98 ದಿನಗಳ ಕಾಲ ಆಸ್ಪತ್ರೆಯಲ್ಲಿ:
ಬ್ರಾಡಿ ಅಲೆನ್ ಗೆ ಇದರ ಬಗ್ಗೆ ತಿಳಿದಿಲ್ಲ, ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮೊದಲು ಅವರು ಆಸ್ಪತ್ರೆಯಲ್ಲಿ 98 ದಿನಗಳನ್ನು ಕಳೆದರು. ಬ್ರಾಡಿಗೆ ಬಂದಿರುವ ಕ್ಯಾನ್ಸರ್ ಬಹಳ ಅಪರೂಪದ ರೋಗ. ಅವರು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಕರೆದುಕೊಂಡು ಬಂದಾಗ ಅವನ ಕುಟುಂಬವು ಇದರ ಬಗ್ಗೆ ಮಾಹಿತಿಯನ್ನು ಪಡೆಯಿತು. ಇದರ ನಂತರ ಮಗುವಿನ ಮಿದುಳಿನಲ್ಲಿ ನಾಲ್ಕು ಗೆಡ್ಡೆಗಳು ಕಂಡುಬರುತ್ತವೆ ಮತ್ತು ಅವನ ಬೆನ್ನೆಲುಬು ಕೂಡ ಗೆಡ್ಡೆಯನ್ನು ಹೊಂದಿದೆ ಎಂದು ಕಂಡುಹಿಡಿಯಲಾಯಿತು.
ಇಂತಹ ಪರಿಸ್ಥಿತಿಯಲ್ಲಿ, ಕುಟುಂಬ ಮತ್ತು ಇಡೀ ಪಟ್ಟಣ ಎರಡು ವರ್ಷದ ಮುಗ್ಧ ಮಗುವಿನ ಸಂತೋಷಕ್ಕಾಗಿ ಸೆಪ್ಟೆಂಬರ್ 23 ರಂದು ಕ್ರಿಸ್ಮಸ್ ಆಚರಿಸಲಿದೆ. ಅಲೆನ್ ಪೋಷಕರು, ಬ್ರಾಡಿ ಆರೋಗ್ಯ ಹದಗೆಟ್ಟಾಗ, ನಾವು ಅವನನ್ನು ವೈದ್ಯರ ಬಳಿ ಕರೆದೊಯ್ದಿದ್ದೇವೆ. ಈ ರೋಗದ ಕುರಿತು ನಮಗೆ ತಿಳಿಸಿದ ವೈದ್ಯರು, ಮಗು ಇನ್ನು ಹೆಚ್ಚು ದಿನ ಬದುಕುಳಿಯುವುದಿಲ್ಲ ಎಂದು ಹೇಳಿದರು. ಈ ಆಘಾತವನ್ನು ತಡೆಯುವ ಶಕ್ತಿ ನಮ್ಮಲ್ಲಿಲ್ಲ. ಆದರೆ ಉಳಿದ ದಿನಗಳಲ್ಲಿ ಅವನೊಂದಿಗೆ ಸ್ಮರಣೀಯ ದಿನಗಳನ್ನು ಕಳೆಯಲು ನಾವು ಬಯಸುತ್ತೇವೆ ಎನ್ನುತ್ತಾರೆ.
ಬ್ರಾಡಿ ಅಲೆನ್ ಬಗ್ಗೆ ತಿಳಿದ ಅಕ್ಕ-ಪಕ್ಕದವರು ಕ್ರಿಸ್ಮಸ್ ಆಚರಣೆಯನ್ನು ಆಚರಿಸಲು ನಿರ್ಧರಿಸಿದರು. ಸಿನ್ಸಿನ್ನಾಟಿ ಪಟ್ಟಣದಲ್ಲಿ ವಾಸಿಸುವ ಜನರು ಅಲೆನ್ಗೆ ಕ್ರಿಸ್ಮಸ್ ಉಡುಗೊರೆಗಳನ್ನು ಮತ್ತು ಕಾರ್ಡ್ಗಳನ್ನು ನೀಡಿದ್ದಾರೆ. ಅಲೆನ್ನ ತಂದೆ ವೃತ್ತಿಯಲ್ಲಿ ಚಾಲಕನಾಗಿದ್ದು, ಮಗನ ಅನಾರೋಗ್ಯದ ಬಗ್ಗೆ ತಿಳಿದ ನಂತರ ತನ್ನ ಪೂರ್ಣ ಸಮಯವನ್ನು ಮಗನಿಗಾಗಿ ಮೀಸಲಿಟ್ಟಿದ್ದು, ಕೆಲಸಕ್ಕೂ ಹೋಗುತ್ತಿಲ್ಲ.
