'ओसामा बिन लादेन जिवंत आहे'

नवी दिल्ली : अमेरिकेची गुप्तचर यंत्रणा सीआयएच्या एका माजी अधिकाऱ्याने खळबळजनक वक्तव्य केलं आहे. एडवर्ड स्नोडेन यांने दावा केला आहे की दहशदवादी ओसामा बीन लादेन हा जिवंत आहे आणि बहामास येथे राहत आहे. त्याच्याकडे याबाबतचे पुरावे देखील असल्याचं त्यांनी एका वेबसाईटला सांगितलं आहे. 

२०११ मध्ये अमेरिकेने पाकिस्तानात जाऊन लादेनला  मारल्याचा दावा केला होता. पण त्याचं शरिर हे जगासमोर आणलं गेलं नाही. अमेरिकेचं म्हणणं होतं की त्याला ठार केल्यानंतर त्याचा मृतदेह समुद्रात टाकण्यात आला होता.

या अधिकाऱ्याचं म्हणणं आहे की लादेन हा सीआयएच्या पॅरोलवर आहे. त्याला दर महिन्याला जवळपास १ लाख डॉलर दिले जातात. सीआयए लादेनच्या मृत्यूबाबत खोटं बोलत असल्याचं एडवर्ड यांनी म्हटलं आहे.