तालिबानने आपले रंग दाखविण्यास सुरुवात केली, आता यावर घातली बंदी

काबूल: Afghanistan Crisis: अफगाणिस्तानमध्ये (Afghanistan) तालिबानचे (Taliban) सरकार स्थापन होऊन थोडाच वेळ झाला आहे आणि तालिबाननेही नवीन फर्मान जारी करण्यास सुरुवात केली आहे. अफगाणिस्तानमध्ये तालिबानच्या वाढत्या विरोधामुळे गृहमंत्रालयाने निदर्शनांवर बंदी घातली आहे. अफगाणिस्तानमध्ये निषेध करण्यापूर्वी तालिबान सरकारची परवानगी घ्यावी लागेल. अफगाणिस्तानचे नवे गृहमंत्री दहशतवादी सिराजुद्दीन हक्कानी यांनी हा हुकूम जारी केला आहे.

तुम्हाला सांगावे लागेल, का घोषणा द्यायच्या आहेत

नवीन आदेशानुसार, अफगाणिस्तानमध्ये (Afghanistan) निदर्शनापूर्वी 24 तास आधी सरकारकडून परवानगी घ्यावी लागेल. एवढेच नव्हे तर आंदोलनाच्यावेळी घोषणाबाजी काय असेल, ते लेखीही सांगावे लागेल. अशा स्थितीत सरकारकडून निषेधाची परवानगी मिळाली तरच. अन्यथा परवानगीशिवाय आंदोलन करणाऱ्यांना कठोर शिक्षा होईल.

विरोध करणाऱ्या महिलांना बेदम मारहाण 

अफगाणिस्तानमध्ये (Afghanistan) तालिबान (Taliban) सरकारविरोधात गेल्या 3 दिवसात निदर्शने तीव्र झाली आहेत. बुधवारी काबूल आणि ईशान्य अफगाणिस्तान बदाखशान प्रांतातील डझनभर महिलांनी अफगाणिस्तानमध्ये पुरुष प्रधान अंतरिम सरकारच्या स्थापनेचा निषेध केला. महिलांच्या अनुपस्थितीत ते सरकार स्वीकारणार नाहीत, असे या आंदोलकांचे म्हणणे आहे. 

मिळालेल्या माहितीनुसार, आंदोलन थांबवण्यासाठी महिलांवर अश्रुधुराच्या गोळ्या झाडण्यात आल्या. एवढेच नव्हे तर काही महिलांना कथितरीत्या मारहाणही करण्यात आली. स्थानिक माध्यमांनी दिलेल्या माहितीनुसार, रॅलीचे कव्हरेज करणाऱ्या काही पत्रकारांना ताब्यात घेऊन मारहाण करण्यात आली.

तालिबानने दिला इशारा 

या घटनेनंतर तालिबान सरकारने अशी निदर्शने बेकायदेशीर असल्याचा इशारा दिला आहे. त्यांनी म्हटले आहे की, आंदोलकांना मोर्चा काढण्याची परवानगी घ्यावी लागेल. यासह, निषेधाचा उद्देश, घोषणा, ठिकाण, वेळ आणि प्रदर्शनासंबंधित प्रत्येक गोष्ट सुरक्षा यंत्रणांना सांगावी लागेल.