டேவிட் வார்னர் 21-ம் தேதி மற்றும் 22-ம் தேதிகளில் நடைபெறும் 50 ஓவர் ஒருநாள் போட்டியில் விளையாட அனுமதி!!
தென் ஆப்பிரிக்காவிற்கு எதிரான கேப்டவுன் டெஸ்டின் போது ஆஸ்திரேலிய வீரர் பான்கிராப்ட் பந்தை சேதப்படுத்தியதுபெரும் சர்ச்சையை ஏற்படுத்தியது. இந்த சம்பவத்திற்கு டேவிட் வார்னர் முக்கியம் காரணம் என்பது அனைவருக்கும் தெரிந்த உண்மை.
இதையடுத்து, ஆஸ்திரேலிய கிரிக்கெட் வாரியம் ஸ்மித் மற்றும் வார்னர் இருவரையும்போட்டிகளில் விளையாடுவதற்கு தடைவிதித்தது. சர்வதேச போட்டியில் விளையாட தடைவிதிக்கப்பட்டாலும், வெளிநாடுகளில் நடைபெறும் டி20 லீக் தொடரிலும், உள்ளூர் தொடரிலும் விளையாட அனுமதித்திருந்தனர்.
அதன்படி, டேவிட் வார்னர் மற்றும் பான்கிராப்ட் ஆகியோர் ஜூலை மாதம் கிரிக்கெட்டிற்கு திரும்புகிறார்கள். ஜூலை 1-ந் தேதி முதல் 20-ந் தேதி வரை டார்வினில் நான்கு அணிகள் பங்கேற்கும் என்டி ஸ்டிரைக் லீக் தொடர் நடைபெறுகிறது. இதில் ஒவ்வொரு அணிகளும் தலா 8 டி-20 போட்டிகளிலும், மூன்று ஒரு நாள் போட்டிகளிலும் விளையாடுகிறது. இதில் வார்னர் 21-ம் தேதி மற்றும் 22-ம் தேதிகளில் நடைபெறும் 50 ஓவர் ஒருநாள் போட்டியில் விளையாட ஒப்பந்தம் செய்யப்பட்டுள்ளனர். பான்கிராப்ட் தொடர் முழுவதும் விளையாடுகிறார்.
ஸ்மித் ஜூன் 28-ம் தேதியில் இருந்து ஜூலை 15-ந்தேதி வரை நடைபெறும் குளோபல் டி20 கனடா தொடரில் விளையாட இருக்கிறார். இந்தகான வீரர்கள் ஏலம் வரைவு பட்டியலில் வார்னர் பெயரும் இடம் பெற்றுள்ளது என்பது குறிப்பிடத்தக்கது!
