Gujarat Election 2022 Exit Polls Result : குஜராத் தேர்தல் 2022 இரண்டாம் கட்ட வாக்குப்பதிவு வடக்கு மற்றும் மத்திய பிராந்தியங்களின் 14 மாவட்டங்களில் உள்ள 93 இடங்களுக்கு இன்று (டிசம்பர் 5) நடைபெற்றது. Zee News-இன் குஜராத் சட்டசபை தேர்தலுக்கான கருத்துக்கணிப்பு முடிவுகள் நாளை மறுநாள் வெளியாகும். Zee News-இன் குஜராத் சட்டமன்றத் தேர்தலின் வாக்குப்பதிவுக்கு பிந்தைய (Exit Polls) முடிவுகள் தற்போது வெளியாகியுள்ளன.
குஜராத் மக்கள் யாரை தேர்ந்தெடுப்பார்கள்?
தேசிய அளவில் மிகவும் முக்கியத்துவம் வாய்ந்த குஜராத் தேர்தலில் பாரதிய ஜனதா கட்சி (BJP), காங்கிரஸ் மற்றும் ஆம் ஆத்மி கட்சி (AAP)மற்றும் பிற கட்சிகள் போட்டியிட்டன. பிரதமர் நரேந்திர மோடியும், 100 வயதான அவரது தாயார் ஹீராபென் மோடியும் இன்று தங்களின் வாக்குகளை செலுத்தினர். மத்திய அமைச்சர் அமித் ஷா, குஜராத் முதல்வர் பூபேந்திர படேல், ஆம் ஆத்மி கட்சியின் முதல்வர் வேட்பாளர் இசுதன் காத்வி ஆகியோரும் இன்று வாக்களித்தனர்.
குஜராத் தேர்தலின் இரண்டாம் கட்ட வாக்குப்பதிவு முடிந்த நிலையில், 285 சுயேச்சைகள் உட்பட 800க்கும் மேற்பட்ட வேட்பாளர்கள் வாக்கு எண்ணிக்கையை நோக்கி காத்திருக்கின்றனர். குஜராத் மட்டுமின்றி, ஹிமாச்சல் பிரதேசம் மாநிலத்திற்கு சட்டப்பேரவை தேர்தல் நடைபெற்றது. இரு மாநிலங்களின் தேர்வு முடிவுகளும் வரும் டிசம்பர் 8ஆம் தேதி எண்ணப்படுகிறது.
