PM Modi On 2000 Rupees Note: 2016ஆம் ஆண்டு நவம்பர் 7ஆம் தேதி இரவு ரூ.1000, ரூ. 500 நோட்டுகள் செல்லாது என மத்திய அரசால் அறிவிக்கப்பட்டது. இதனை பிரதமர் மோடி அறிவித்தார். இந்த பணமதிப்பிழப்பு நடவடிக்கையை தொடர்ந்து, புதிய ரூ. 2000 நோட்டுகள் புழக்கத்திற்கு விடப்பட்டது.
பிரதமர் மோடி ஆதரவில்லை
அந்த வகையில், 2016ஆம் ஆண்டில் 2000 ரூபாய் நோட்டுகளை புழக்கத்திற்கு வருவதை பிரதமர் நரேந்திர மோடி விரும்பவில்லை எனவும் ஆனால் பணமதிப்பு நீக்கம் குறுகிய காலத்தில் செய்யப்பட வேண்டும் என்பதால் குறைந்த மதிப்பு உள்ள ரூபாய் நோட்டுகளை அச்சடிக்கும் திறன் குறைவு என்று கூறியதைத் தொடர்ந்து தயக்கத்துடன் அதற்கு ஒப்புக்கொண்டார் என தகவல் வெளியாகியுள்ளது.
இதனை பிரதமர் மோடியின் முன்னாள் முதன்மை செயலாளரான நிருபேந்திர மிஸ்ரா தெரிவித்துள்ளார். நிருபேந்திர மிஸ்ரா அளித்த நேர்காணல் ஒன்றில்,"ரூ.2000 நோட்டுகளுக்கு பிரதமர் மோடி சற்றும் ஆதரவாக இல்லை. ஆனால், பணமதிப்பு நீக்கம் குறுகிய காலத்தில் நிறைவேற்றப்பட இருந்ததால், அதற்கு தயக்கத்துடன் அனுமதி அளித்தார். பிரதமர் 2000 ரூபாய் நோட்டை ஏழைகளின் நோட்டாகக் கருதவில்லை என்பது அவருக்குத் தெரியும். 2000 ரூபாய் நோட்டு பரிவர்த்தனை மதிப்பிற்கு பதிலாக பதுக்கல் மதிப்பைக் கொண்டுள்ளது" என்று நிருபேந்திர மிஸ்ரா கூறினார்.
குறுகிய தேவையே பூர்த்தி செய்ய...
நாட்டிற்கு வெளியே ரூபாய் நோட்டுகள் அச்சிடப்படுவதை பிரதமர் மோடி ஆதரிக்கவில்லை என்றார். 2016 நவம்பரில் மேற்கொள்ளப்பட்ட பணமதிப்பிழப்பு நடவடிக்கையின் போது, புழக்கத்தில் இருந்து நீக்கப்பட்ட ரூபாய் நோட்டுகளுக்குப் பதிலாக ஒரு குறிப்பிட்ட காலக்கட்டத்தில் புதிய நோட்டுகளை மாற்ற வேண்டும் என்று முடிவு செய்யப்பட்டதாக மிஸ்ரா கூறினார்.
மேலும், "பணமதிப்பு நீக்கம் செய்யப்பட்ட நோட்டுகள் டெபாசிட் செய்யப்பட்டு புதிய நோட்டுகள் வெளிவர இருந்த காலகட்டத்தில் அச்சிடும் திறன் குறைவாக இருந்ததால் ரூ.2000 நோட்டுகளை கொண்டு வர முடிவானது. அதில் பணிபுரிந்த குழு, ரூ. 2000 நோட்டுகள் குறைந்த கால அவகாசத்தில் அச்சடிக்கப்பட வேண்டிய பணியை மேற்கொண்டது. இது பிரதமருக்கு சிறிதும் உற்சாகத்தை ஏற்படுத்தவில்லை" என்று மிஸ்ரா கூறினார்.
நடைமுறைக்காக ஒப்புதல்
கறுப்புப் பணத்தை ஒழிப்பதே முயற்சி என பிரதமர் மோடி கருதுவதாகவும், பெரிய ரூபாய் நோட்டு வந்தால் பதுக்கி வைக்கும் திறன் அதிகரிக்கும் என்றும் அவர் கூறினார். "கரன்சி நோட்டுகளை அச்சடிக்கும் திறன் குறித்தும், இரண்டு மூன்று ஷிப்டுகள் நடத்தினாலும், இலக்கை எட்ட முடியாது என்று அவரிடம் கூறியபோது.. 2000 ரூபாய் நோட்டை ஒரு குறிப்பிட்ட காலத்திற்கு அச்சிடுவதுதான் எஞ்சியிருக்கிறது.
அவர் கொள்கையளவில், இதற்கு எதிராக இருந்தார். ஆனால் நடைமுறை கருத்தில், அவர் தயக்கத்துடன் ஒப்புக்கொண்டார். எதிர்காலத்தில் போதுமான திறன் இருக்கும்போது, ரூ. 2000 நோட்டை நிறுத்த வேண்டும் என்பதில் அவரது மனதில் ஒரு துளி கூட சந்தேகம் இல்லை," என்று மிஸ்ரா கூறினார்.
2018ஆம் ஆண்டு முதல் 2000 ரூபாய் நோட்டுகள் அச்சடிக்கப்படாமல் இருப்பதை நீங்கள் கவனித்திருப்பீர்கள். 2014 மற்றும் 2019 ஆம் ஆண்டுகளில் பிரதமர் மோடியின் முதன்மைச் செயலாளராக இருந்த மிஸ்ரா, ரிசர்வ் வங்கியும் வங்கிகளில் இருந்து வந்த "கறைபடிந்த" 2000 ரூபாய் நோட்டுகளை மீண்டும் புழக்கத்திற்கு கொண்டு வரவில்லை என்று கூறினார்.
2000 ரூபாய் நோட்டுகள் புழக்கத்தில் இருந்து வாபஸ் பெறப்படுவதாக ரிசர்வ் வங்கி தற்போது அறிவித்துள்ளது, வரும் செப்டம்பர் 30ஆம் தேதி வரை வங்கிக் கிளைகளில் மக்கள் மாற்றிக் கொள்ளலாம். 2000 என்பது சாமானியர்களுக்கானது அல்ல என்றும், அதை வங்கிகளில் டெபாசிட் செய்யாவிட்டால் பதுக்கி வைப்பதற்கு எங்காவது பங்களிக்க முடியும் என்றும் பிரதமர் கருதுவதாக மிஸ்ரா கூறினார்.
மொத்த புழக்கத்தில் 10.8 சதவீதம் மட்டுமே!
மற்ற வகை ரூபாய் நோட்டுகள் போதுமான அளவில் கிடைத்தவுடன் ரூ.2000 ரூபாய் நோட்டுகளை அறிமுகப்படுத்தும் நோக்கம் நிறைவேறியது. இதனால், 2018-19ம் ஆண்டில் 2000 ரூபாய் நோட்டுகள் அச்சடிப்பது நிறுத்தப்பட்டது. புழக்கத்தில் உள்ள இந்த ரூ.2000 ரூபாய் நோட்டுகளின் மொத்த மதிப்பு, மார்ச் 31, 2018இல் உச்சத்தில் இருந்த ரூ.6.73 லட்சம் கோடியில் இருந்து (புழக்கத்தில் உள்ள நோட்டுகளில் 37.3 சதவீதம்) ரூ.3.62 லட்சம் கோடியாகக் குறைந்துள்ளது. இது 2023ஆம் ஆண்டு மார்ச் 31ஆம் தேதி புழக்கத்தில் உள்ள நோட்டுகளில் 10.8 சதவீதம் மட்டுமே.
இந்திய ரிசர்வ் வங்கி (ஆர்பிஐ) கடந்த வெள்ளியன்று, ரூ.2000 மதிப்பிலான கரன்சி நோட்டுகளை புழக்கத்தில் இருந்து திரும்பப் பெற முடிவு செய்தது. ஆனால் அவை தொடர்ந்து சட்டப்பூர்வமாக இருக்கும் என்று கூறினார். 2000 ரூபாய் நோட்டுகளை வெளியிடுவதை உடனடியாக நிறுத்துமாறு வங்கிகளுக்கு ரிசர்வ் வங்கி அறிவுறுத்தியுள்ளது. இருப்பினும், குடிமக்கள் ரூ.2000 ரூபாய் நோட்டுகளை தங்கள் வங்கிக் கணக்குகளில் டெபாசிட் செய்யலாம். செப்டம்பர் 30ஆம் தேதி வரை எந்த வங்கிக் கிளையிலும் அவற்றை மற்ற வகைகளின் ரூபாய் நோட்டுகளாக மாற்ற முடியும் என்று ரிசர்வ் வங்கி தெரிவித்துள்ளது.
மேலும் படிக்க | 2000 ரூபாய் நோட்டை மாற்ற வங்கிக்கு ஓடாதீங்க! சக்திகாந்த தாஸ் சொல்றதை கேளுங்க
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
