ஆயுர்வேதத்தின்படி சாப்பிட்ட பிறகு எப்போது தண்ணீர் குடிக்க வேண்டும்?

தண்ணீர் நம் உயிர்வாழ்வதற்கு முக்கிய ஒன்று. ஒருவரால் நாள் முழுவதும் சாப்பிடாமல் கூட இருக்க முடியும், ஆனால் தண்ணீர் குடிக்காமல் இருக்க முடியாது.  தண்ணீர் குடிப்பது ஒட்டுமொத்த ஆரோக்கியத்தையும் நல்வாழ்வையும் பராமரிப்பதில் முக்கிய பங்கு வகிக்கிறது. இருப்பினும், தினசரி தண்ணீர் எவ்வளவு குடிக்க வேண்டும், குறிப்பாக எந்த நேரத்தில் குடிக்க வேண்டும்? சாப்பிடும் போது தண்ணீர் குடிக்கலாமா போன்ற பல கேள்விகள் நமக்குள் எழும்.  சாப்பிடுவதற்கு முன்பு, சாப்பிடும் போது அல்லது சாப்பிட பின் தண்ணீர் குடிப்பது செரிமானத்தில் முக்கிய பங்கு வகிக்கிறது என்று மருத்துவர்கள் கூறுகின்றனர். சிலர் இதில் ஆபத்துகளும் இருப்பதாக கூறி வருகின்றனர்.  சாப்பிடும் நேரங்களில் தண்ணீர் குடிப்பதால் ஏற்படும் நன்மைகள் மற்றும் தீமைகள் பற்றி தெரிந்து கொள்வோம்.

சாப்பிடுவதற்கு முன் தண்ணீர் குடிக்கலாமா?

சாப்பிடுவதற்கு முன் தண்ணீர் குடிப்பது அதிக நன்மைகளைக் கொண்டுள்ளது. இது உடலை ஹைட்ரேட் செய்ய உதவுகிறது, மேலும் செரிமான அமைப்பை சாப்பிடுவதற்கு செய்கிறது மற்றும் உடலை நேரேற்றத்துடன் வைக்கிறது. சாப்பிடுவதற்கு முன் தண்ணீர் குடித்தால், வயிற்றில் முழுமையான உணர்வை உருவாக்கி, அதிகமாக சாப்பிடும் வாய்ப்பைக் குறைக்கும். மேலும், சரியான உடலில் நீரேற்றம் வளர்சிதை மாற்றத்தை மேம்படுத்துகிறது மற்றும் சிறந்த செரிமானம் மற்றும் ஊட்டச்சத்து உறிஞ்சுதலுக்கு பங்களிக்கும். இவ்வளவு நன்மைகளை உடலில் ஏற்படுத்த சாப்பிடுவதற்கு 30 நிமிடங்களுக்கு முன் ஒரு கிளாஸ் தண்ணீர் குடிக்க நிபுணர்கள் பரிந்துரைக்கின்றனர்.

சாப்பிடும் போது தண்ணீர் குடிக்கலாமா?

சாப்பிடும் போது தண்ணீர் குடிக்கும் பழக்கம் பல ஆண்டுகளாக இருந்து வருகிறது.  இந்த பழக்கத்தை கொண்டிருப்பவர்கள், இது உணவை நன்கு விழுங்குவதற்கும் மற்றும் செரிமானத்திற்கும் உதவுகிறது என்று கூறுகின்றனர்.  மேலும் வாய் மற்றும் தொண்டையில் வறட்சியைத் தடுப்பதாக தெரிவிக்கின்றனர். இருப்பினும், உணவின் போது அதிகப்படியான தண்ணீர் குடித்தால் அதற்கு சில எச்சரிக்கைகள் உள்ளன. ஏனெனில் அதிகமாக தண்ணீர் குடிப்பது வயிற்று அமிலத்தை நீர்த்துப்போகச் செய்யலாம், இது உணவின் செரிமானத்தை தடுக்கிறது. ஆயினும்கூட, சாப்பிடும் போது சிறிது அளவு தண்ணீரை எடுத்துக்கொள்வது குறிப்பிடத்தக்க சிக்கல்களை ஏற்படுத்த வாய்ப்பில்லை, குறிப்பாக விழுங்குவதில் சிரமம் உள்ளவர்களுக்கு உதவியாக இருக்கும்.

சாப்பிட்ட பின் தண்ணீர் குடித்தால்...

சாப்பாட்டுக்குப் பிறகு தண்ணீர் குடிப்பது அதிக நன்மைகளை கொண்டுள்ளது. இது வாயில் மீதமுள்ள உணவுத் துகள்களைக் நீக்கவும், வாய்வழி சுகாதாரத்தை உறுதி செய்யவும் மற்றும் பல் பிரச்சனைகளைத் தடுக்கவும் உதவுகிறது. உணவுக்குப் பிறகு தண்ணீர் குடிப்பது, செரிமானப் பாதை வழியாக உணவை சீராகச் செல்லவும், மலச்சிக்கலைத் தடுக்கவும் உதவும். இருப்பினும், சிலர் சாப்பிட்ட உடனே தண்ணீர் குடிப்பது உடல் எடை அதிகரிப்பு அல்லது அஜீரணத்திற்கு வழிவகுக்கும் என்றும் கூறுகின்றனர்.  விஞ்ஞானரீதியாக, இதனை உறுதிப்படுத்த ஆதாரங்கள் இல்லை. சாப்பிட பிறகு மிதமான அளவு தண்ணீர் குடிப்பது உடலுக்கு நல்லது.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறுங்கள். ZEE NEWS இதற்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ