பாலிவுட்டின் பாட்ஷா என்று அழைக்கப்படும் நடிகர் ஷாருக்கானை வைத்து இயக்குனர் அட்லீ ஜவான் படத்தை இயக்கி வருகிறார், இந்த படத்திற்கு எதிர்பார்ப்பு பெருகியுள்ளது. 'ராஜா ராணி' படத்தின் மூலம் தமிழில் அட்லீ இயக்குனராக அவதாரமெடுத்தார். இந்த படத்திற்கு ரசிகர்கள் மத்தியில் கிடைத்த வரவேற்பை தொடர்ந்து அட்லீ, தமிழ் சினிமாவின் முன்னணி நட்சத்திரத்தை வைத்து தெறி, மெர்சல் மற்றும் பிகில் போன்ற வெற்றி படங்களை இயக்கினார். ஜவான் படத்தின் மூலம் பாலிவுட்டில் அட்லீ என்ட்ரியாகியுள்ள நிலையில், நாளுக்கு நாள் ரசிகர்களுக்கு இப்படத்தின் மீதான எதிர்பார்ப்பு அதிகரித்து வருகிறது. ஜவான் படத்தில் ஷாருக்கான் கதாநாயகனாக நடிப்பது மட்டுமின்றி, இப்படத்தை அவரே தயாரிக்கிறார். இப்படத்தில் பணிபுரிந்ததற்காக இயக்குனர் அட்லீக்கு முப்பத்தி ஐந்து கோடி சம்பளமாக கொடுக்கப்பட்டுள்ளது.
ரெட் சில்லீஸ்எண்டெர்டெயின்மெண்ட் நிறுவனம் தயாரிக்கும் 'ஜவான்' படத்தில் ஷாருக்கானுக்கு ஜோடியாக நயன்தாரா நடிக்க, விஜய் சேதுபதி, ப்ரியாமணி மற்றும் யோகி பாபு போன்ற பல நட்சத்திரங்கள் முக்கியமான கதாபாத்திரத்தில் நடிக்கின்றனர். பூனே, மும்பை, ஹைதராபாத், சென்னை மற்றும் அவுரங்காபாத் போன்ற இடங்களில் படத்தின் படப்பிடிப்பு நடத்தப்பட்டுள்ளது. ஏற்கனவே 'ஜவான்' படம் ஜூன் மாதம் 2ம் தேதி வெளியாகும் என்று அறிவித்திருந்த நிலையில் தற்போது இந்த தேதியில் படம் வெளியாகாது என்றும், படத்தின் வெளியீடு அக்டோபர் மாதத்திற்கு தள்ளிவைக்கப்படும் என்றும் செய்திகள் வெளியாகியுள்ளது.
'ஜவான்' படத்தின் வெளியீடு தள்ளிபோவதற்கு முக்கிய காரணம் பிரபல பாலிவுட் நடிகர் சஞ்சய் தத் தான் என்று கூறப்படுகிறது. அதாவது சஞ்சய் தத் இந்த படத்தில் சிறப்பு வேடத்தில் நடிக்க ஒப்பந்த செய்யப்பட்டு இருக்கிறார், ஆனால் அவர் தற்போது லோகேஷ் கனகராஜ் இயக்கத்தில் விஜய் நடிக்கும் 'லியோ' படத்தின் படப்பிடிப்பு பணியில் பிசியாக இருந்து வருகிறார். இதன் காரணமாக அவரால் ஜவான் படத்தில் நடிக்க போதுமான கால்ஷீட் கொடுக்கமுடியாமல் போய்விட்டது, இதனால் ஜவான் படம் ஜூன் மாதத்தில் வெளியாக வாய்ப்பில்லை என்று கூறப்படுகிறது. அட்லீ மற்றும் ஷாருக்கான் இருவரும் ஜவான் படத்தின் ப்ரோமோஷனை பெரியளவில் நடத்த திட்டமிட்டுள்ளனர், இந்தியா முழுவதிலும் மற்றும் வெளிநாடுகளிலும் ப்ரோமோஷன் நிகழ்ச்சிகளை நடத்த திட்டமிட்டுள்ளனர்.
மேலும் படிக்க | சூர்யாவை விட மாஸ் லுக்கில் அருண் விஜய்! லீக் ஆன வணங்கான் புகைப்படம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
