பிக்பாஸ் புகழ் கவினிற்கு திருமணம் நடைபெற இருக்கிறது என்ற தகவல் வெளியானதை தொடர்ந்து, அவர் திருமணம் செய்து கொள்ள இருக்கும் பெண் யார் என்பது குறித்த செய்திகளும் லீக் ஆகியுள்ளன.
கவினுக்கு திருமணம்..!
நடிகர் கவினிற்கு வரும் 20ஆம் தேதி (ஆக்ஸ்டு) திருமணம் நடைபெற இருப்பதாகவும் இவரது பெற்றாேர் இவருக்காக பெண் பார்த்துள்ளதாகவும் தகவல்கள் வெளிாயனது. இது குறித்து நடிகர் கவின் அல்லது அவரது குடும்பத்தார் யாரும் மறுப்பு தெரிவிக்கவில்லை. இதையடுத்து, இவரின் திருமணத்திற்கான பணிகள் விறுவிறுப்பாக நடைப்பெற்று வருவதாக கூறப்படுகிறது. இவர் திருமணம் செய்து கொள்ள இருக்கும் பெண் யார் என்று ரசிகர்கள் ஆவலுடன் தேடி வந்தனர். அவர் பெயர் மோனிகா என்பதையும் அவர் கவினின் நெடுநாள் காதலி என்பதையும் தவிர ரசிகர்களுக்கு வேறு எந்த தகவலும் தெரியவில்லை. இந்த நிலையில்தான் அப்பெண்ணின் புகைப்படம் ஒன்று வெளியாகியுள்ளது.
மேலும் படிக்க | கண்டிப்பாக கேட்க வேண்டிய தேவி ஸ்ரீ பிரசாத்தின் 6 ஹிட் பாடல்கள்..!
யார் இவர்..?
கவினின் காதலி/வருங்கால மனைவி எனக்கூறப்படும் இந்த பெண், கவினிற்காக வாழ்த்து தெரிவித்து வெளியிட்ட இன்ஸ்டா ஸ்டோரி பதிவு ஒன்று வெளியாகியுள்ளது. அதில், அவர் கவினுடன் வீடியோ கால் பேசுவதும் அவர்தான் தான் பார்த்ததிலேயே மிகவும் நகைச்சுவையான மனிதர் என்று எழுதி பதிவிட்டிருப்பதும் இடம் பெற்றுள்ளது. இந்த பெண் கவினுக்கு தோழியாக அறிமுகமானார் என்றும் தகவல்கள் கசிந்துள்ளது.
பிக்பாஸ் கவின்:
சின்னத்திரையில் இருந்து வெள்ளித்திரைக்கு ‘லிஃப்ட்’ ஏறிய நடிகர்களுள் ஒருவர் கவின். ஆரம்பத்தில் ரியாலிட்டி நிகழ்ச்சிகளிலும் தொடர்களில் சிறு சிறு கதாப்பாத்திரங்களிலும் நடித்துவந்தார். அதன் பிறகு இவர் நாயகனாக நடித்திருந்த சீரியல் சரவணன் மீனாட்சி. இதில் வேட்டையன் கதாப்பாத்திரத்தில் நடித்து பல இளம் பெண்களின் இதயங்களை கவர்ந்தார். அதன் பிறகு இவருக்கு பிக்பாஸ் நிகழ்ச்சியில் பங்கேற்பாளராக நுழையும் வாய்ப்பு கிடைத்தது. அதுவரை பெண்கள்-குறிப்பாக இளம் பெண்களின் மத்தியில் மட்டும் பிரபலமாகியிருந்த இவர் பிக்பாஸ் சீசன் 3 நிகழ்ச்சி மூலம் பல்வேறு வயது தரப்பிரனிடமும் ரீச் ஆனார்.
வெள்ளித்திரையில் கவின்..
நடிகர் கவின், சின்னத்திரையில் இருந்த போதே பெருமளவு ரசிகர்கள் கூட்டத்தை சேர்த்து வைத்திருந்தார். பிறகு, திரைப்படங்கிளில் சிறு சிறு கதாப்பாத்திரங்களில் நடித்துக்கொண்டிருந்தார். நேற்று இன்று நாளை, பீட்ஸா போன்ற படங்களில் சில மணித்துளிகள் வந்தாலும் ‘ஹே அது கவின்ல..’ என ரசிகர்களை சொல்ல வைத்தார். பின்னர் இவருக்கு கதாநாயகன் அந்தஸ்து கிடைத்தது. இவர் முதன்முதலாக கதாநாயகனாக ‘லிஃப்ட்’ எனும் படத்தில் நடித்தார். ஹாரர் த்ரில்லர் படமாக உருவான இந்த படம் நேரடியாக ஓடிடியில் வெளியானது. இந்த படம் ரசிகர்களின் மத்தியில் ஓரளவு வரவேற்பினை பெற, அடுத்து இன்னொரு படத்திலும் நாயகனாக நடிக்க இவருக்கு வாய்ப்பு கிடைத்தது. அபர்ணா தாஸ் கதாநாயகியாக நடிக்க அவருக்கு ஜோடியாக ‘டாடா’ என்ற எமோஷனல் காதல் கதையில் நடித்திருந்தார். இப்படம் ப்ளாக் பஸ்ட்ர் ஹிட் அடித்தது. தற்போது அடுத்தடுத்த படங்களில் கவின் ஹீரோவாக நடித்து வருகிறார்.
ஜெயிலர் பட விழாவை தொகுத்து வழங்கிய கவின்..!
நடிகர் கவின், சமீபத்தில் நடைப்பெற்ற ‘ஜெயிலர்’ திரைப்படத்தின் இசை வெளியீட்டு விழாவை தாெகுத்து வழங்கினார். இதைப்பார்த்த ரசிகர்கள் கவின் இவ்வளவு பெரிய உயரத்திற்கு சென்றிருப்பது தங்களுக்கு மிகவும் மகிழ்ச்சியளிப்பதாக கூறி வந்தனர். இதே போல அவர் இன்னும் பல படங்கிளில் நடித்து பெரிய உயரத்திற்கு செல்ல வேண்டும் என்றும் ரசிகர்கள் கருத்து தெரிவித்தனர்.
மேலும் படிக்க | திரைப்படமாக மாறுகிறது இளையராஜாவின் வாழ்க்கை வரலாறு..! ஹீரோ யார் தெரியுமா..?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
