புதுச்சேரிக்கு வரும் 25-ம் தேதி பிரதமர் மோடி பல்வேறு அரசு விழாக்கள் மற்றும் பாரதிய ஜனதா கட்சி சார்பில் நடைபெறும் பொதுக்கூட்டத்தில் வருகை தருகிறார்.
இதற்காக புதுச்சேரி விமான நிலையம் எதிரில் உள்ள திடலில் பந்தல் அமைக்கும் பணிகளை துவங்கினர். 50,000 பேருக்கு மேலாக கலந்து கொள்ளும் வகையில் பிரமாண்டமான பந்தல் அமைக்கும் பணி நடைபெற்று வருகின்றது.
ஆரோவில் அமைந்திருக்கும் விழுப்புரம் மாவட்டம் வானூர் தாலுக்காவிற்கு உட்பட்ட பகுதிகளில் விழுப்புரம் மாவட்ட போலீசார் மற்றும் மாவட்ட நிர்வாகம் இணைந்து பாதுகாப்பு பணிகளில் ஈடுபட்டு வருகின்றார்கள்.
பொதுக்கூட்டம் நடைபெறும் புதுச்சேரி விமான நிலைய திடல் பகுதி புதுச்சேரி போலீசாரின் கட்டுப்பாட்டில் வந்துள்ளது. மேலும் திடல் முழுவதும் வெடிகுண்டு நிபுணர்கள் மற்றும், மோப்ப நாய் உதவியுடன் தீவிர சோதனையில் ஈடுபட்டு வருகின்றார்கள்.
பிரதமரின் பாதுகாப்புத்துறை அதிகாரிகள் இன்று ஆய்வு செய்ய இருப்பதாக தகவல்கள் தெரிவிக்கின்றன.
