வைரல் வீடியோ: மனித வாழ்க்கை பல வித இறுக்கங்களையும் பிரச்சனைகளையும் கொண்டது. தினம் தினம் பல வித இன்னல்களையும் சவால்களையும் சந்திக்கும் நாம் இவற்றிலிருந்து சிறிதளவு நிவாரணம் கிடைத்தாலும் நிம்மதி அடைகிறோம். சில விஷயங்கள் அவ்வப்போது நம்மை திசை திருப்பி நமக்கு ஒரு மாறுதலை அளிக்கின்றன. அத்தகைய விஷயங்களில் சமூக ஊடகங்களுக்கு ஒரு முக்கிய பங்குண்டு. சமூக ஊடகங்களில் விலங்குகளின் வீடியோகளுக்கு அதிக ரசிகர்கள் உள்ளனர்.
இணையவாசிகள் விலங்குகளின் வீடியோக்களை அதிகம் விரும்பி பார்க்கிறார்கள். அதுவும் குரங்கு, பாம்பு, நாய், பூனை போன்ற விலங்குகளுக்கு இணையத்தில் அதிக மவுசு உள்ளது. நாய் மிகவும் நன்றியுள்ள விலங்கு. அதுமட்டுமல்ல, அது மிகவும் புத்திசாலியான விலங்காகவும் உள்ளது. நாம் ஆச்சரியப்படும் பல விஷயங்களை செய்து நாய்கள் நம்மை அசத்துவது உண்டு. நாய்கள் வளர்க்கப்படும் வீடுகளில் அவை வீட்டின் ஒரு அங்கமாகவே பார்க்கப்படுகின்றன. நாய்களும் தங்கள் முதலாளிகள் மீதும், வளர்க்கப்படும் வீட்டு உறுப்பினர்கள் மீதும் அளவுகடந்த பாசத்தை காட்டுகின்றன.
ஆனால், அனைத்து நாய்களும் வீடுகளில் வளர்க்கப்படுவது இல்லை. பல நாய்கள் தெருவில் அலைந்து திரிகின்றன. இந்த நாய்கள் உணவுக்கும் நீருக்கும் பல நேரங்களில் மிக அவஸ்தைப்படுகின்றன. இப்படிப்பட்ட விலங்குகளுக்கு சிலர் உதவுவதையும் நாம் பார்த்துள்ளோம். ஆதரவற்ற உயிர்களுக்கு உதவும்போது கிடைக்கும் ஆத்ம திருப்தி விலைமதிப்பற்றது. எந்த பிரதிபலனும் எதிர்பாராமல் நாம் செய்யும் உதவி நமக்கு மிகப்பெரிய மன நிம்மதியையும் அமைதியையும் தரும். அதுமட்டுமின்றி, இதுபோன்ற காட்சிகளைப் பார்ப்பது மகிழ்ச்சியாகவும் இருக்கிறது. மனிதர்கள் விலங்குகளுக்கு உதவி செய்யும் பல வீடியோக்களை நாம் சமூக ஊடகங்களில் அடிக்கடி காண்கிறோம். அப்படி ஒரு வீடியோ தற்போதும் பகிரப்பட்டுள்ளது.
நாய்க்கு உதவிய பெண்
ஒரு நாய் குழாய் அருகில் வந்து அதை எப்படி திறப்பது என்பது புரியாமல் நிற்பதை வீடியோவின் துவக்கத்தில் காண முடிகின்றது. தண்ணீருக்காக ஏங்கிக்கொண்டிருக்கும் அந்த நாயை ஒரு பெண்ணும் பார்க்கிறார். அவர் நாய்க்கு உதவ குழாயை திறந்து விடுகிறார். பெண்ணை பார்த்தவுடன் நாய் ஒரு கணம் பயந்து பின்னே செல்கிறது. நாய் தன்னை பார்த்து அச்சப்படுவதை புரிந்துகொள்ளும் பெண் பின்னே நகர்ந்து செல்கிறார். அதன் பிறகு நாய் குழாய் அருகே வந்து தண்ணீர் குடித்து தனது தாகத்தை தீர்த்துக்கொள்கிறது.
மேலும் படிக்க | Viral Video: மான்குட்டியை குத்தி குதறும் கழுகு... கண்ணீரை வரவழைக்கும் வீடியோ!
நாய் தண்ணீர் குடிக்க வேண்டும் என நினைத்து குழாயை திறந்து விட்டது மட்டுமல்லாமல், அதன் மன நிலையை புரிந்துகொண்டு அது பயப்படாமல் இருக்க நகர்ந்து சென்ற அந்த பெண்ணை கண்டிப்பாக பாராட்ட வேண்டும்.
நாய்க்கு உதவிய பெண்ணின் வீடியோவை இங்கே காணலாம்:
வீடியோ இணையத்தில் வைரல் ஆனது
இந்த வீடியோ சமூக ஊடக தளமான இன்ஸ்டாகிராமில் give_india என்ற பக்கத்தில் பகிரப்பட்டுள்ளது. இதற்கு ஏகப்பட்ட வியூஸ்களும் லைக்குகளும் கிடைத்துள்ளன. இணையவாசிகள் இதற்கு பல வித கமெண்டுகளை அளித்து வருகின்றனர்.
நிச்சயமாக, இந்த வீடியோ அனைவரின் மனதையும் வென்றது. வாயில்லா மிருகம் ஒன்று அவலநிலையில் இருந்த போது அதை புரிந்துகொண்டு உரிய நேரத்தில் உதவிய பெண்ணை அனைவரும் பாராட்டி வருகின்றனர். ஆகஸ்ட் 2ஆம் தேதி பகிரப்பட்ட இந்த வீடியோ தற்போது அனைவரது கவனத்தையும் ஈர்த்து வருகிறது.
மேலும் படிக்க | உலகின் பயங்கரமான பாம்பு இதுதான்... அதை இந்த பையன் என்ன செய்றான் பாருங்களேன்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
