உலக ஹாக்கி லீக்: அரையிறுதிக்கு இந்திய அணி முன்னேற்றம்!!

உலக ஹாக்கி லீக் பைனல்ஸ் தொடர் போட்டிகள் ஒடிசாவில் நடந்து வருகிறது. நேற்று இரவு 7:30 மணிக்கு தொடங்கிய காலிறுதி போட்டியில் இந்தியா - பெல்ஜியம் அணிகள் மோதின.

Updated: Dec 7, 2017, 09:41 AM IST
உலக ஹாக்கி லீக்: அரையிறுதிக்கு இந்திய அணி முன்னேற்றம்!!
Courtesy: IANS

உலக ஹாக்கி லீக் பைனல்ஸ் தொடர் போட்டிகள் ஒடிசாவில் நடந்து வருகிறது. நேற்று இரவு 7:30 மணிக்கு தொடங்கிய காலிறுதி போட்டியில் இந்தியா - பெல்ஜியம் அணிகள் மோதின.

இப்போட்டியின் முதல் 30 நிமிட ஆட்டத்தில் இரு அணியினரும் கோல் அடிக்கவில்லை. தொடர்ந்து நடைபெற்ற ஆட்டத்தின் 31-வது நிமிடம் இந்தியாவின் குர்ஜந்த் சிங் முதல் கோல் அடித்தார். அதன்பின் 35-வது நிமிடத்தில் இந்திய வீரர் ஹர்மன்பிரீத் சிங் கோல் அடித்தார். இதனால் 2-0 என்ற போல் கணக்கில் இந்தியா முன்னிலை பெற்றது. 

பெல்ஜியம் அணியின் லைபார்ட் லாயிக் 39-வது மற்றும் 46-வது நிமிடத்தில் அடுத்தடுத்து இரண்டு கோல்கள் அடித்தார். இதனால் ஆட்டம் 2-2 என சமனானது. 46-வது நிமிடத்தில் இந்தியாவின் ருபிந்தர் பால் சிங் ஒரு கோல் அடித்தார். அடுத்ததாக 53-வது நிமிடத்தில் பெல்ஜியத்தின் கியூஸ்டர்ஸ் அமவுரி ஒரு கோல் அடித்தார். அதன்பின் மேற்கொண்டு எந்த கோலும் அடிக்காததால் ஆட்டம் 3-3 என சமனில் முடிந்தது.

நாக்-அவுட் சுற்று ஆனதால் வெற்றியை தீர்மானிக்க பெனால்டி சூட்-அவுட் முறை பின்பற்றப்பட்டது. இதில் இந்திய அணி 3-2 என்ற கணக்கில் வெற்றி பெற்றது. இதன்மூலம் இந்திய அணி அரையிறுதிக்கு முன்னேறியது.

மாலை 5:30 மணிக்கு நடைபெற்ற மற்றொரு காலிறுதி போட்டியில் ஸ்பெயின் - ஆஸ்திரேலியா அணிகள் மோதின.

இப்போட்டியில் 4-1 என்ற கோல் கணக்கில் வெற்றி பெற்ற ஆஸ்திரேலியா அறையிறுதி போட்டிக்கு முன்னேறியது.

இன்று நடைபெறும் காலிறுதி போட்டிகளில் இங்கிலாந்து - அர்ஜெண்டினா, ஜெர்மனி - நெதர்லாந்து அணிகள் பலப்பரீட்சை செய்ய உள்ளன.