மும்பை: ஆஸ்திரேலிய கிரிக்கெட் அணி 4 டெஸ்ட் போட்டியில் விளையாடுவதற்காக இந்தியா வந்துள்ளது. முதல் டெஸ்ட் போட்டி வருகிற 23-ம் தேதி புனேயில் தொடங்குகிறது.
இந்த டெஸ்ட் போட்டிக்கு முன்பு ஆஸ்திரேலிய அணி 3 நாள் பயிற்சி ஆட்டத்தில் இந்திய ‘ஏ’ அணியுடன் விளையாடுகிறது. இந்த பயிற்சி ஆட்டம் மும்பை பிரா போர்ன் மைதானத்தில் நாளை தொடங்குகிறது.
இந்நிலையில் அஸ்வின் பந்து வீச்சை எதிர்கொள்வது எப்படி என்பதற்காக திட்டம் தங்களிடம் இருப்பதாகவும், இதனால் அவரது பந்தை சந்திக்க தயாராக இருப்பதாகவும் ஆஸ்திரேலிய தொடக்க வீரர் டேவிட் வார்னர் தெரிவித்துள்ளார்.
இது தொடர்பாக அவர் கூறியதாவது:-
அஸ்வின் போன்ற சிறந்த பந்து வீச்சாளரை நான் மிகவும் மதிக்கிறேன். நல்ல பேட்ஸ்மேனாகவும் திகழ்கிறார்.
பந்து வீச்சில் அஸ்வினின் பலத்தை அறிவோம். அவரது பந்து வீச்சை எப்படி சமாளிப்பது என்பதற்கான ஒரு திட்டம் வைத்துள்ளோம். அவரது பந்து வீச்சை சந்திக்க நாங்கள் தயார் சூழ்நிலையில் தகுந்தவாறு விளையாடுவேன்.
இவ்வாறு வார்னர் கூறியுள்ளார்.
