இந்தியா மற்றும் இங்கிலாந்து அணிகளுக்கு இடையே நடைப்பெற்று வரும் இரண்டாவது டெஸ்ட் போட்டிக்கு இந்திய அணி வீரர்கள் கடும் பயிற்ச்சி மேற்கொண்டு வருகின்றனர்!
இங்கிலாந்தில் சுற்றுப்பயணம் மேற்கொண்டுள்ள விராட் கோலி தலைமையிலான இந்திய கிரிக்கெட் அணி 3 டி20, 3 ஒருநாள் மற்றும் 5 டெஸ்ட் போட்டிகள் கொண்ட தொடரில் விளையாடுகிறது.
இந்த சுற்றுப்பயணத்தின் டெஸ்ட் தொடரின் முதல் போட்டியில் இங்கிலாந்து அணி 31 ரன்கள் வித்தியாசத்தில் வெற்றிப் பெற்றது. இதனையடுத்து இவ்விரு அணிகளுக்கும் இடேயேயான இரண்டாவது போட்டி வரும் ஆக., 9-ஆம் நாள் துவங்குகிறது..
Team India practice session at Lords ahead of the second test against England on 9th August. #INDvsENG pic.twitter.com/n2DAJ1Yakl
— ANI (@ANI) August 7, 2018
லார்ட்ஸ் மைதானத்தில் நடைப்பெறவுள்ள இப்போட்டியில் வெற்றிப் பெற இரண்டு அணிகள் பல்வேறு உக்திகளை கையாண்டு வருகின்றன. இங்கிலாந்து அணி தரப்பில் இரண்டு மாற்றங்களை மேற்கொண்டுள்ளதாக இங்கிலாந்து கிரிக்கெட் வாரியம் அறிவித்துள்ளது. அதன் படி டேவிட் மெல்லன்-க்கு பதிலாக ஓலி போப்-ம், பென் ஸ்டோக்-க்கு பதிலாக கிறிஸ் வோக்ஸ் களமிறங்குவர் என அறிவித்துள்ளது. இந்திய அணியினை பொருத்துவரையில் தங்களது பந்துவீச்சாளர்களை மேலும் வலுப்பெறவைக்கும் பயிற்சிகள் மேற்கொள்ளப்பட்டு வருகிறது.
இந்நிலையில் நடைபெறவிருக்கும் இரண்டாவது டெஸ்ட் போட்டியில் வெற்றியினை கையகப்படுத்த இந்திய அணி வீரர்கள் வலைப்பயிற்சி மேற்கொண்டு வருகின்றனர்!
