அயன் பட பாணியில் போதை பொருள் மற்றும் ஆள் கடத்தல்

திருவாரூரைச் சேர்ந்தவர் அவுரங்கசீப் இவர் மும்பையில் வேலை பார்த்து வந்துள்ளார். அப்போது தெலுங்கானா மாநிலத்தைச் சேர்ந்த சங்கர் என்பவர் மூலம் அயன் படம் பாணியில் போதை பொருளை (பிஸ்கட்) விழுங்கி தமிழகத்திற்கு கடத்தி உள்ளார்.இதேபோல் கடந்த சில மாதங்களுக்கு முன்பு சங்கர் கடத்திய இரண்டு போதை பிஸ்கட்டில், ஒன்றை மட்டும் கொடுத்துள்ளார்.  மற்றொன்றை சங்கர் காணவில்லை எனக் கூறியதால், அவரை சென்னை, காரைக்கால், திருச்சி என பல்வேறு பகுதிகளில் உள்ள மருத்துவமனைகளில் ஸ்கேன் செய்தபோதும் மற்றொரு போதை பிஸ்கட் வயிற்றில் இல்லை.

இதையடுத்து சங்கரை கடத்தி சென்று போதை பிஸ்கட்டை கேட்டு அவுரங்சீப் மற்றும் சிலர் துன்புறுத்தி உள்ளனர். இதுகுறித்து தகவலறிந்த சங்கரின் மனைவி, மும்பைக்கு சென்று சீயான் காவல் நிலையத்தில் புகார் அளித்துள்ளார். போலீஸார் தனிப்படை அமைத்து தேடுதல் வேட்டையை நடத்தி சங்கரை மீட்டனர். அவரிடம் நடத்திய விசாரணையில், போதை பிஸ்கட் கடத்தியது மற்றும் மகனிடம் மற்றொரு போதை பிஸ்கட் கொடுத்திருந்ததும் தெரியவந்தது.

சங்கர் அளித்த தகவலின் பேரில் மும்பை தனிப்படை போலீஸார் திருவாரூரில் பதுங்கிருந்த அவுரங்கசீப் மற்றும் ஆள் கடத்தலுக்கு உதவிய விஜய் ஆகியோரை கைது செய்தனர். பின்னர் அவர்கள் இருவரையும் மாவட்ட நீதிமன்றத்தில் ஆஜர்படுத்தி மும்பைக்கு அழைத்துச் சென்றனர்.

அயன் பட பாணியில் போதை பொருள் கடத்தல் மற்றும் ஆள் கடத்தல் சம்பவங்களில் ஈடுபட்ட இருவர் திருவாரூரில் கைது செய்த பட்ட சம்பவம் பெரும் பரபரப்பை ஏற்படுத்தி உள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ