பிரபல மொபைல் தயாரிப்பு நிறுவனமான HMD Global எதிர்வரும் மார்ச் 19-ஆம் தேதி லண்டனில் ஒரு நிகழ்வை நடத்த தயாராக உள்ளது, மேலும் இந்த நிகழ்வில் தொடர்ச்சியான ஆண்ட்ராய்டு தொலைபேசிகளை அறிமுகப்படுத்த திட்டமிட்டுள்ளது.
இதன்போது நோக்கியா 5.3 ஸ்மார்ட்போனை நிறுவனம் வெளியிடலாம் என எதிர்பார்க்கப்படுகிறது. மேலும் நோக்கியா 5.3 என என யூகிக்கப்பட்ட தொலைபேசியின் புகைப்படங்கள் தற்போது இணையத்தில் கசிந்துள்ள நிலையில் நோக்கியா 5.3 ஆனது நான்கு பின் கேமிராக்களுடன் வெளியாகும் என எதிர்பார்க்கப்படுகிறது.
Zoksh என பெயரிடப்பட்டுள்ள ட்விட்டர் பயனர் இதுதொடர்பான புகைப்படத்தை பகிர்ந்துள்ளார். நோக்கியா 7.2-ஐ போன்று இருக்கும் இந்த புதிய போன் நோக்கியா 5.3-ஆக இருக்கலாம் என்ற சந்தேகம் இவரது பதிவை தொடர்ந்து அதிகரித்து வருகிறது. முந்தைய அறிக்கைகள் ஏற்கனவே தொலைபேசியின் சில விவரக்குறிப்புகளை பரிந்துரைத்துள்ளன.
Guess the phon @NokiaFanss @NokiamobBlog @Love4Nokia @nokiageek pic.twitter.com/Unjbxc3IWF
— zoksh (@zoonokia) March 9, 2020
இந்த விவர குறிப்புகள் படி நோக்கியா 5.3 LED ஃபிளாஷ் உடன் நான்கு லென்ஸ்கள் கொண்ட வட்ட பின்புற கேமரா அமைப்பும் கொண்டிருக்கும் என எதிர்பார்க்கப்படுகிறது. இதனுடன் கைரேகை ஸ்கேனர் வசதியும் பயனர்களுக்கா வழங்கப்படுகிறது.
டிப்ஸ்டரின் கூற்றுப்படி, நோக்கியா 5.3-ன் பிரதான கேமரா சென்சார் 16MP சென்சார் பொருத்தப்பட்டிருக்கும், அதனுடன் 8MP வைட்-ஆங்கிள் லென்ஸ் + 2MP ஆழ சென்சார் + 2MP மேக்ரோ சென்சார் மற்றும் LED ஃபிளாஷ் இருக்கும். தவிர, நோக்கியா 5.3 ஆனது 6.55" HD+ டிஸ்ப்ளேவுடன் வரும் என்று எதிர்பார்க்கப்படுகிறது. ஹூட்டின் கீழ், ஸ்மார்ட்போன் ஆக்டா கோர் குவால்காம் ஸ்னாப்டிராகன் 665 SOC மூலம் இயக்கப்படுகிறது என்று வதந்தி பரப்பப்படுகிறது. மென்பொருள் முன்னணியில், இது அண்ட்ராய்டு 10-ல் இயங்கும் என்றும் கூறப்படுகிறது.
இந்த ஸ்மார்ட்போன் ஆனது 4,000mAh நீக்க இயலாத பேட்டரி மூலம் இயங்கும் என்றும் கூறப்படுகிறது. மேலும் ஸ்மார்ட்போனுக்கு 6GB ROM மற்றும் 64GB ஆன் போர்டு ஸ்டோரேஜ் ஆதரவு இருக்கும் என்றும் தகவல்கள் தெரிவிக்கின்றன. நோக்கியா 5.3 ஆனது சாம்பல் நிறம், சியான் பச்சை நிறம் மற்றும் மணல் வண்ண விருப்பத்தில் $180 (தோராயமாக ரூ. 13,200) விலையுடன் அறிமுகப்படுத்தப்படும் என்று எதிர்பார்க்கப்படுகிறது.
