கராச்சி: பாகிஸ்தானின் சஹாரா ரயில் நிலையம் அருகே ஹசாரா எக்ஸ்பிரஸ் ரயிலின் பெட்டிகள் தடம் புரண்டதில் 30க்கும் அதிகமானவர்கள் உயிரிழந்தனர். 80-க்கும் மேற்பட்டோர் காயம் என்ற செய்தி வெளியாகியுள்ளது. கராச்சியில் இருந்து 275 கிலோமீட்டர் தொலைவில் நிகழ்ந்த இந்த ரயில் விபத்தில் ரயிலின் 10 பெட்டிகள் தடம் புரண்டுள்ளன. மீட்பு பணிகள் தீவிரப்படுத்தப்பட்டுள்ளன.
Pakistan: 30 dead, 80 injured after 10 coaches of Hazara Express derail in Sindh
Read @ANI Story | https://t.co/76FRYrynMI#Pakistan #hazaraexpress #Sindh pic.twitter.com/apJHUHBxFE
— ANI Digital (@ani_digital) August 6, 2023
சஹாரா ரயில் நிலையம் அருகே ஹசாரா எக்ஸ்பிரஸின் பெட்டிகள் தடம் புரண்ட விபத்தில் குறைந்தது 30 பயணிகள் கொல்லப்பட்டனர் மற்றும் 80 க்கும் மேற்பட்டோர் காயமடைந்தனர் என்று ஜியோ நியூஸ் தெரிவித்துள்ளது.
இறப்பு எண்ணிக்கை அதிகரிக்கலாம் என அதிகாரிகள் அஞ்சுவதால், சிந்துவின் உள்மாவட்டத்திற்கு மற்றும் அங்கிருந்து செல்லும் ரயில் போக்குவரத்து நிறுத்தப்பட்டுள்ளது.
மேலும் படிக்க | ஒடிஷா ரயில் விபத்து... ‘காணாமல் போன’ ஜூனியர் இன்ஜினியர் வீட்டுக்கு சீல் வைத்த CBI..!
மீட்பு பணியில் ராணுவம்
விபத்தைத் தொடர்ந்து அருகிலுள்ள மருத்துவமனைகளில் அவசரகால நெறிமுறை அமல்படுத்தப்பட்டுள்ளது. ஜெனரல் அசிம் முனிரின் சிறப்பு அறிவுறுத்தலின் பேரில் பாகிஸ்தான் ராணுவம் மீட்பு பணியில் ஈடுபட்டுள்ளது. ராணுவத்துடன் இணைந்து, அப்பகுதியில் உள்ள பொதுமக்களும் மீட்புப் பணியில் உதவி வருகின்றனர்.
இந்த சம்பவத்தின் பின்னணியில் உள்ள முக்கிய காரணம் தெளிவாகத் தெரியவில்லை என்றாலும், இது ஒரு பயங்கரவாதச் செயலாக இருக்கக் கூடும் என்ற கூற்றுகளை மத்திய ரயில்வே அமைச்சர் நிராகரிக்கவில்லை. ஞாயிற்றுக்கிழமை பிற்பகல் ரயில் கராச்சியில் இருந்து ராவல்பிண்டி நோக்கிச் சென்று கொண்டிருந்தபோது இந்த விபத்து நிகழ்ந்துள்ளது.
காயமடைந்த பயணிகள் நவாப்ஷாவில் உள்ள மக்கள் மருத்துவ மருத்துவமனையில் அனுமதிக்கப்பட்டுள்ளனர். 10 பெட்டிகள் தண்டவாளத்தில் இருந்து விலகிச் சென்றதை ரயில்வே கோட்ட கண்காணிப்பாளர் சுக்கூர் மஹ்மூதுர் ரஹ்மான் உறுதிப்படுத்தினார். லோகோ ஷெட் ரோஹ்ரியில் இருந்து மீட்புப் பணியாளர்கள் இடத்தை அடைய மூன்று மணி நேரம் ஆகும் என்று அவர் ஜியோ நியூஸிடம் தெரிவித்தார். விபத்து காரணமாக, அப் பாதையில் போக்குவரத்து நிறுத்தப்பட்டுள்ளது,'' என்றார்.
தகவல் சேகரித்து வரும் மத்திய ரயில்வே மற்றும் விமானப் போக்குவரத்து அமைச்சகம்
இச்சம்பவத்தைத் தொடர்ந்து செய்தியாளர் சந்திப்பில், மத்திய ரயில்வே மற்றும் விமானப் போக்குவரத்து அமைச்சர் கவாஜா சாத் ரபீக், சம்பவம் குறித்த தகவல்களை அதிகாரிகள் சேகரித்து வருவதாகக் குறிப்பிட்டார். "அதிகாரிகள் எச்சரிக்கை செய்யப்பட்டுள்ளனர் [...] ரயில்வே செயலர் நவாப்ஷாவில் இருக்கிறார்," என்று மத்திய அமைச்சர் வலியுறுத்தினார்.
கராச்சியில் உள்ள பாகிஸ்தான் ரயில்வேயின் செய்தித் தொடர்பாளர் கூறுகையில், பிரேக்குகளை தாமதமாகப் பயன்படுத்தியதால் விபத்தின் தீவிரம் கடுமையாக இருந்தது என்றும், ரயிலில் 1,000 க்கும் மேற்பட்ட பயணிகள் இருந்தனர் என்றும் தெரிவித்தார். ஆனால், ரயில் தடம் புரண்டதற்கான சரியான காரணம் இதுவரை தெரியவில்லை.
மேலும் படிக்க | கடனில் சிக்கி தவிக்கிறீர்களா... அசால்ட்டாக அதில் இருந்து மீள்வது எப்படி?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
