આને કહેવાય ખેલાડી! અદાણીના શેરોની વહેતી ગંગામાં હાથ ધોઈ લીધા, એક દિવસમાં 3000 કરોડ કમાયો

નવી દિલ્હીઃ મંગળવારે અદાણી ગ્રુપની કંપનીઓના શેરમાં જોરદાર ઉછાળો જોવા મળ્યો હતો. ટ્રેડિંગ દરમિયાન 20 ટકા સુધી ઉછળ્યા હતા. જ્યારે અદાણી સ્ટોક્સમાં ઉછાળાને કારણે ગ્રૂપની માર્કેટ મૂડીમાં વધારો થયો છે, ત્યારે GQG પાર્ટનર્સના અનુભવી રોકાણકાર રાજીવ જૈન, જેમણે કંપનીના શેરમાં રોકાણ કર્યું હતું, તેમણે પણ મોટી કમાણી કરી છે. શેરબજારમાં ટ્રેડિંગના થોડા જ કલાકોમાં 3000 કરોડ રૂપિયાની કમાણી કરી લીધી. નોંધનીય છે કે રાજીવ જૈને અદાણી ગ્રુપની છ લિસ્ટેડ કંપનીઓમાં જંગી નાણાંનું રોકાણ કર્યું છે. આપને જણાવી દઈએ કે અદાણી-હિંડનબર્ગ કેસમાં સુપ્રીમ કોર્ટે પોતાનો નિર્ણય સુરક્ષિત રાખ્યા બાદ કંપનીના શેર ઝડપથી ભાગ્યા છે.

રાજીવ જૈને 6 કંપનીઓમાં નાણાં રોક્યા હતા
રાજીવ જૈનની આગેવાની હેઠળના GQG પાર્ટનર્સે મંગળવારે શેરબજારમાં ટ્રેડિંગ દરમિયાન રૂ. 3,000 કરોડનો નફો કર્યો છે. ગૌતમ અદાણીની કંપનીઓના શેર વધવાથી રોકાણકારોને ફાયદો થયો છે. કોર્પોરેટ ડેટાબેઝ AceEquity પરથી એકત્ર કરાયેલ ડેટા દર્શાવે છે કે રાજીવ જૈને શેરબજારમાં લિસ્ટેડ અદાણી ગ્રૂપની 10માંથી છ મોટી કંપનીઓમાં નાણાંનું રોકાણ કર્યું છે. તેમાં અદાણી પાવર લિમિટેડ, અદાણી એનર્જી સોલ્યુશન્સ લિમિટેડ, અદાણી એન્ટરપ્રાઇઝ લિમિટેડ, અદાણી ગ્રીન એનર્જી લિમિટેડ, અદાણી પોર્ટ્સ અને સેઝ અને અંબુજાનો સમાવેશ થાય છે. 

આ પણ વાંચોઃ 10 હજાર રૂપિયાથી શરૂઆત, આ રીતે ચંદુભાઈએ બાલાજી વેફર્સને બનાવી 10,000 કરોડની કંપની

GQGનું રોકાણ એક દિવસમાં આટલું વધી ગયું
AceEquity ડેટા અનુસાર, શુક્રવારે ગૌતમ અદાણીની કંપનીઓમાં GQG પાર્ટનર્સ દ્વારા કરવામાં આવેલ કુલ રોકાણ રૂ. 27,998.08 કરોડ હતું, જે મંગળવારે શેરબજારમાં ટ્રેડિંગ બંધ થતાં વધીને રૂ. 31,000 કરોડ થયું હતું. જો આપણે હિસ્સા પર નજર કરીએ તો, 30 સપ્ટેમ્બર, 2023 સુધી, GQG પાસે અદાણી પાવર લિમિટેડમાં 1.28 ટકા અને અદાણી એનર્જી સોલ્યુશન્સ લિમિટેડમાં 2.49 ટકા હિસ્સો હતો. GQG પાર્ટનર્સ સાથે સંબંધિત બે ફંડ અદાણી એન્ટરપ્રાઇઝિસમાં સંયુક્ત 2.74 ટકા હિસ્સો ધરાવે છે. આ સિવાય GQG ત્રણ કંપનીઓ અદાણી ગ્રીન એનર્જી, અદાણી પોર્ટ્સ અને અંબુજા સિમેન્ટ્સમાં 1.8 ટકાથી 3.6 ટકા હિસ્સો ધરાવે છે.

ખરાબ સમયમાં અદાણીને સાથ આપ્યો હતો
ગયા વર્ષે 2022 માં, ગૌતમ અદાણી વિશ્વના તમામ અમીરોને પાછળ છોડીને સૌથી વધુ કમાણી કરનાર અબજોપતિ તરીકે ઉભરી આવ્યા હતા, પરંતુ આ વર્ષની શરૂઆતમાં, 24 જાન્યુઆરી, 2023 ના રોજ, અમેરિકન શોર્ટ સેલર ફર્મ હિંડનબર્ગનો અહેવાલ પ્રકાશિત થયો હતો. આ પછી, તેમને થોડા મહિનામાં 60 અબજ ડોલરનું નુકસાન થયું. આ ખરાબ સમયમાં GQGના રાજીવ જૈને અદાણી ગ્રુપને ટેકો આપતાં મોટું રોકાણ કર્યું હતું.

આ પણ વાંચોઃ બેન્કની આ સ્કીમમાં એકવાર કરો રોકાણ, દર મહિને ઘર બેઠા થશે મોટી કમાણી

રાજીવ જૈને માર્ચ 2023માં અદાણીની ચાર કંપનીઓમાં 15,446 કરોડ રૂપિયાનું રોકાણ કર્યું હતું. આ પછી તેમનું રોકાણ અને આત્મવિશ્વાસ વધ્યું. મે 2023માં તેમણે પોતાનો હિસ્સો 10 ટકા વધાર્યો હતો. તે પછી, જીક્યુજીએ જૂન મહિનામાં ફરીથી અદાણી એન્ટરપ્રાઈઝ અને અદાણી ગ્રીન એનર્જીમાં લગભગ રૂ. 8,265 કરોડનું રોકાણ કર્યું. તે જ મહિનામાં, GQG એ અદાણી ટ્રાન્સમિશનના લગભગ 1.9 ટકા શેર રૂ. 1,676 કરોડમાં ખરીદ્યા હતા. તેઓ તેમના રોકાણમાંથી મજબૂત નફો પણ મેળવી રહ્યા છે.

ગ્રુપનું માર્કેટ કેપ રૂ. 11 લાખ કરોડને પાર કરે છે
અદાણી ગ્રૂપની કંપનીઓના શેરમાં વધારાને કારણે ગ્રૂપનું માર્કેટ કેપ પણ વધી રહ્યું છે અને તે 11 લાખ કરોડની ઉપર પહોંચી ગયું છે. નોંધનીય છે કે જ્યારે 24 જાન્યુઆરી, 2023ના રોજ હિંડનબર્ગ રિપોર્ટ પ્રકાશિત થયો ત્યારે ગ્રુપનું માર્કેટ કેપ 19.19 લાખ કરોડ રૂપિયા હતું. જો કે, તે હજુ પણ લગભગ 40 ટકા ઓછું છે. તમને જણાવી દઈએ કે હિંડનબર્ગે અદાણી ગ્રૂપ પર શેરની કિંમતો અને લોનની હેરાફેરી અંગે 88 ગંભીર આરોપો મૂક્યા હતા અને તેનાથી રોકાણકારોના સેન્ટિમેન્ટ પર નકારાત્મક અસર પડી હતી. તે સમયે કંપનીના શેરમાં 85 ટકાનો ઘટાડો થયો હતો.