બ્રિટિશ વર્જિન આઇલેન્ડમાં છે આ બે શેલ કંપનીઓ, જેનું અદાણી ગ્રુપ સાથે છે કનેક્શન

OCCRP Report: જાન્યુઆરીમાં વર્ષની શરૂઆતમાં હિંડનબર્ગ રિસર્ચ રિપોર્ટમાં કરાયેલા આક્ષેપો બાદ અદાણી ગ્રુપની મુશ્કેલીઓ ઓછી થવાનું નામ લઈ રહી નથી. નોન-પ્રોફિટ મીડિયા સંસ્થા ઓર્ગેનાઈઝ્ડ ક્રાઈમ એન્ડ કરપ્શન રિપોર્ટિંગ પ્રોજેક્ટ (OCCRP)ના રિપોર્ટ અનુસાર, પ્રથમ રોકાણકાર સંયુક્ત આરબ અમીરાતના છે, જેનું નામ નાસેર અલી શબાન અહલી છે. બીજી તરફ, અન્ય રોકાણકાર તાઈવાનનો છે, જેનું નામ ચાંગ ચુંગ-લિંગ છે.

ગૌતમ અદાણીના ભાઈ વિનોદ અદાણીના અંગત
આ કિસ્સામાં ઈન્ડિયન એક્સપ્રેસમાં પ્રકાશિત થયેલા સમાચારમાં દાવો કરવામાં આવ્યો છે કે બંને શેલ કંપનીઓ બ્રિટિશ વર્જિન આઈલેન્ડ (BVI)માં રજિસ્ટર્ડ છે. ઈન્ટરનેશનલ ઓર્ગેનાઈઝેશન ઓફ ઈન્વેસ્ટિગેટિવ જર્નાલિઝમ દ્વારા પેન્ડોરા પેપર્સની તપાસમાં આ વાત સામે આવી છે. ગ્લોબલ જર્નાલિઝમ નેટવર્ક OCCRPના રિપોર્ટ અનુસાર, નાસિર અલી શબાન અહલી અને ચાંગ ચુંગ-લિંગ અદાણી ગ્રુપના ફાઉન્ડર ગૌતમ અદાણીના ભાઈ વિનોદ અદાણીના નજીકના છે.

આ કંપનીઓ દ્વારા કરવામાં આવ્યું રોકાણ
ઈન્ડિયન એક્સપ્રેસના રિપોર્ટમાં કહેવામાં આવ્યું છે કે અહલી ગલ્ફ એશિયા ટ્રેડ એન્ડ ઈન્વેસ્ટમેન્ટ લિમિટેડ (Gulf Asia Trade and Investment Limited) નો ઉપયોગ કરે છે. તો બીજી તરફ ચાંગે લિંગો ઇન્વેસ્ટમેન્ટ લિમિટેડ (Lingo Investment Limited) દ્વારા રોકાણ કર્યું છે. OCCRP રિપોર્ટમાં એમ પણ કહેવામાં આવ્યું છે કે અદાણી ગ્રુપે ગુપ્ત રીતે પોતાનો સ્ટોક ખરીદીને શેરબજારમાં લાખો ડોલરનું રોકાણ કર્યું હતું.

સેબીના નિયમોનું ઉલ્લંઘન
અદાણી ગ્રુપના અબજો રૂપિયાના શેરો ખરીદનાર અને વેચનાર બંને વ્યક્તિઓ અદાણી પરિવારના નજીકના હોવાનું કહેવાય છે. આ સાથે અદાણી ગ્રુપે સેબી (SEBI) ના નિયમોનું પણ ઉલ્લંઘન કર્યું છે, જે મુજબ ભારતીય શેરબજારમાં લિસ્ટેડ કંપનીઓમાં પ્રમોટર ગ્રુપનો હિસ્સો 75 ટકાથી વધુ ન હોવો જોઈએ. બીજા શબ્દોમાં કહીએ તો, તમે એમ પણ કહી શકો છો કે કંપનીની ઓછામાં ઓછી 25 ટકા ઈક્વિટી જનતા પાસે હોવી જોઈએ.

બંને વ્યક્તિઓ અદાણી ગ્રૂપ સાથે જોડાયેલી કંપનીઓના ડિરેક્ટર અને શેરહોલ્ડર છે. તમને જણાવી દઈએ કે નાસિર અલી શબાન અહલી સંયુક્ત આરબ અમીરાત (UAE) ના એક બિઝનેસમેન છે. તે UAEની કન્સલ્ટન્સી કંપની અલ અલ જાવદા ટ્રેડ એન્ડ સર્વિસીસના ડાયરેક્ટર છે. તે જ સમયે, ચાંગ ચુંગ લિંગ ગુડામી ઇન્ટરનેશનલના માલિક છે.