1 રૂપિયાના સિક્કા લઈને શખ્સ પોતાનું ડ્રીમ બાઈક ખરીદવા પહોંચ્યો, ચિલ્લર ગણવામાં શો-રૂમને આંખે અંધારા આવી ગયા!

નવી દિલ્હીઃ ટીપે ટીપે સરોવર ભરાય અને ટીપે ટીપે ઘડો ભરાય એવી અનેક કહેવત તો તમે સાંભળી જ હશે, પરંતુ આજે અમે તેમને આ કહેવતને સાર્થક કરતો એક કિસ્સો જણાવવા જઈ રહ્યા છીએ. આવો જ એક કિસ્સો તામિલનાડુના સાલેમમાં પ્રકાશમાં આવ્યો છે જ્યાંના રહેવાસી વી બૂબાથીએ પાઈ-પાઈ ભેગી કરીને તેમની મનપસંદ બાઇક બજાજ ડોમિનાર 400 ખરીદી છે. અહીં પાઇ પાઈનો અમારો મતલબ બીજો કંઈ છે.

વાસ્તવમાં બૂબાથીએ 3 વર્ષ સુધી દરરોજ 1 રૂપિયાનો સિક્કો ભેગો કર્યો અને આ બાઇક ખરીદી, મજાની વાત ત્યારે શરૂ થઈ જ્યારે ડીલરશિપે તેના સિક્કા ગણવાનું શરૂ કર્યું. 1 રૂપિયાના એટલા બધા સિક્કા હતા કે ડીલરશિપને તેની ગણતરી કરવામાં 10 કલાકનો સમય લાગ્યો હતો. આ જાણકારી ઈન્ડિયા એજન્સીના મેનેજર મહાવિક્રાંતે આપી છે.