Viral Video: સુરતના સ્ટ્રીટ વેન્ડરે વેચ્યો 13000 રૂપિયાનો એક ટોસ્ટ; આખરે શું છે તેની ખાસિયત?

Expensive toast in India: અવારનવાર આપણે સોશિયલ મીડિયા પર અજીબોગરીબ ચીજોનો વિડિયો કે ફોટા જોતા રહીએ છીએ, પરંતુ શું તમે ક્યારેય 13,000 રૂપિયાનો ટોસ્ટ ખાધો છે? આ એવોકાડો ટોસ્ટ સુરતના એક સ્ટ્રીટ વેન્ડર દ્વારા વેચવામાં આવી રહ્યો છે. આપણે જાણીએ છીએ કે એવોકાડો એક પ્રકારનું ફળ છે જેનો ઉપયોગ સલાડ, સ્મૂધી, ટોસ્ટ, ડીપ્સ અને સુશી બનાવવામાં પણ થાય છે. પરંતુ શું તમે ક્યારેય એવોકાડો ટોસ્ટ માટે 13,000 રૂપિયા ચૂકવશો? હાલમાં જ સોશિયલ મીડિયા પર એક વીડિયો વાયરલ થયો છે, જેમાં ગુજરાત શહેરના સુરત શહેરમાં એક સ્ટ્રીટ વેન્ડર તેના મોંઘા ટોસ્ટને કારણે ચર્ચાનો વિષય બન્યો છે. ચાલો તેના વિશે જાણીએ.

સોશિયલ મીડિયા પર સામે આવી પોસ્ટ 
હાલમાં જ એક ફૂડ બ્લોગરે તેના ઈન્સ્ટાગ્રામ પર એક વીડિયો શેર કર્યો છે, જેમાં એવોકાડો ટોસ્ટ 13,000 રૂપિયામાં વેચાઈ રહ્યો છે. આ વિડિયોમાં તમે એક માણસને જોઈ શકો છો કે જે ઓલિવ તેલ, તલના બીજ, એક ખાસ મસાલા અને લીંબુના રસ સાથે સીજન કરી રહ્યો છે. આ ડિશનો મુખ્ય ઈન્ગ્રીડિએન્ટ જે તેને આટલો મોંઘો બનાવે છે તે છે પુલે ચીઝ. વેન્ડરનો દાવો છે કે તે આ આઇટમ સીધી સાઇબિરીયાથી આયાત કરે છે. વિડિયોમાં વિક્રેતા પ્લેટમાં બ્રેડ રાખે છે, સાથે ચીજની એક મોટી પરત રાખે છે, ત્યારપછી એવોકાડો મિશ્રણ તૈયાર કરે છે. અંતે તે ઉપરથી તલ નાંખે છે.

View this post on Instagram

A post shared by Surti Mayurkumar Vasantlal (@foodie_addicted_)

આટલો મોંઘો કેમ છે આ ટોસ્ટ?
હવે સવાલ એ થાય છે કે તે આટલું ખાસ અને મોંઘું કેમ છે? જ્યારે એવોકાડો તેનું મુખ્ય એસિમેન્ટ છે. જોકે, પુલે ચીઝને કારણે તેની કિંમત ઘણી વધારે છે. તે સર્બિયાના જાસાવિકા સ્પેશિયલ નેચર રિઝર્વમાંથી આયાત કરવામાં આવે છે. પુલ ચીઝ એ સર્બિયન પનીર છે જે 60% બાલ્કન ગધેડીના દૂધ અને 40% બકરીના દૂધના મિશ્રણમાંથી બનાવવામાં આવે છે. તેને બનાવવા માટે રેનેટ અને ખાસ રેસીપીનો ઉપયોગ કરવામાં આવે છે. તેની કિંમત અડધા કિલો દીઠ 51,000 રૂપિયાની આસપાસ હોઈ શકે છે. તેમજ 1 કિલો પનીર બનાવવા માટે અંદાજે 25 લીટર ગધેડીના દૂધની જરૂર પડે છે અને ફાર્મ એક વર્ષમાં માત્ર 6 થી 15 કિલો ચીઝનું વેચાણ કરે છે.