છેતરપિંડી માટે ગઠિયાઓએ શોધી OTP માંગવાની નવી રીત, આ એક ભૂલમાં ખાતુ થઈ જશે ખાલી!

નવી દિલ્હીઃ સાયબર ફ્રોડને લગતા કિસ્સામાં દિવસે ને દિવસે વધારો થઈ રહ્યો છે...સાયબર ફ્રોડના વધતાં કેસને પગલે કંપનીઓ ગ્રાહકોના ડેટાને લઈને પહેલા કરતા વધુ જાગૃત અને સતર્ક થઈ ગઈ છે. ગ્રાહકોને સુરક્ષિત ડિલિવરી આપવા માટે, હવે ફ્લિપકાર્ટ અને એમેઝોન જેવા ઈ-કોમર્સ પ્લેટફોર્મે વન ટાઈમ પાસવર્ડ (ડિલિવરી)ની પ્રક્રિયા શરૂ કરી છે. પરંતુ તેમ છતાં, છેતરપિંડી કરનારાઓ આ સુરક્ષાને તોડવામાં અને ગ્રાહકોના બેંક ખાતામાંથી પૈસા ચોરી કરવામાં સક્ષમ છે.

તમને જણાવી દઈએ કે, તાજેતરમાં જ આવા ઘણા કિસ્સાઓ સામે આવ્યા છે જેમાં છેતરપિંડી કરનારાઓએ નકલી ડિલિવરી એક્ઝિક્યુટિવ બતાવીને ગ્રાહકો પાસેથી OTP વસૂલ્યા છે. એવું કહેવામાં આવી રહ્યું છે કે છેતરપિંડી કરનારા અને કૌભાંડી લોકો ડિલિવરી પેકેજ મેળવનારા ગ્રાહકો પર નજર રાખે છે અને OTP માંગવા માટે ડિલિવરી એજન્ટ તરીકે ગ્રાહકોના ઘર સુધી પહોંચે છે. 

છેતરપિંડી કરનારાઓ ઓર્ડરની રકમ માંગે છે કે તે કેશ ઓન ડિલિવરી પેકેજ છે. જો ગ્રાહકો ડિલિવરી પેકેજ પ્રાપ્ત કરવાનો ઇનકાર કરે છે, તો તેઓ એવું ઢોંગ કરે છે કે તેઓ ડિલિવરી રદ કરી રહ્યાં છે. ઓર્ડર રદ કરવા માટે, તે ગ્રાહકોને ફસાવીને OTP માંગે છે. OTP મળ્યા પછી, તેઓ ગ્રાહકોના ફોન હેક કરે છે અને પછી લોકોના ખાતામાંથી પૈસા ચોરી કરે છે.

આ પણ ખાસ વાંચોઃ

OTP સ્કેમથી બચવા માટે આ બાબતોનું ધ્યાન રાખો-

1) તમારો OTP ક્યારેય કોઈની સાથે શેર ન કરો. પરંતુ હજુ પણ ઘણા લોકો આવી ભૂલ કરે છે જેના કારણે હેકર્સ અથવા છેતરપિંડી કરનારાઓ તેમની મહેનતની કમાણી એકાઉન્ટમાંથી ગાયબ કરી દે છે.

2) જો કોઈ તમને OTP માટે પૂછે છે, તો પહેલા તમારી સામેની વ્યક્તિની ચકાસણી કરો. કારણ કે બેંકો હંમેશા લોકોને એક સંદેશ આપે છે કે બેંક ક્યારેય કોઈ ખાતેદાર પાસેથી OTP જેવી અંગત માહિતી માંગતી નથી.

3) હંમેશા ખાતરી કરો કે તમે તમારો ઓર્ડર પ્રાપ્ત કર્યા પછી અને ચૂકવણી કરતા પહેલા તમારા ડિલિવરી પેકેજને ખોલો અને તપાસો.

4) કોઈપણ લિંક અથવા વેબસાઇટ પર ક્યારેય વિશ્વાસ ન કરો જે તમને તમારી અંગત માહિતી માટે પૂછે.

4) માત્ર વેરિફાઈડ પ્લેટફોર્મ થકી જ ચૂકવણી કરો અને ડિલિવરી સમયે QR કોડ સ્કેન કરવાનું ટાળો.