સોનાના દાગીના પર આ રીતે ચેક કરો હોલમાર્કિંગ, ખબર પડી જશે સોનું શુદ્ધ છે કે નહીં

નવી દિલ્હીઃ Gold News: પહેલા તમે જે સોનું ખરીદતા હતા તેના પર ચાર અંકોની સાથે હૉલમાર્ક બનતો હતો. હવે તેમાં ફેરફાર થઈ ગયો છે. પહેલી એપ્રિલ 2023થી સોનાના ઘરેણાં પર છ અંકના આલ્ફા ન્યૂમેરિક HUID સાથે આવે છે. સોનાની શુદ્ધતાની તપાસ ભારતીય માનક બ્યૂરો એટલે કે BIS કરે છે. જો સોનું શુદ્ધ હોય તો તેને એક માર્ક આપવામાં આવે છે. જેને હૉલમાર્ક કહે છે. જો કે, કેટલાક જ્વેલર નકલી હૉલમાર્ક પણ લગાવે છે જેને ડબ્બા હોલમાર્ક કહે છે. પરંતુ હવે HUID લાગૂ થઈ જતા જ્વેલર માટે આવી છેતરપિંડી કરવી સરળ નહીં રહે.

આવી રીતે જાણો સોનાની શુદ્ધતા
જો તમારી સોનાની વસ્તુ પર 22K916 લખ્યું છે તો તેનો અર્થ એવો થયો કે તે 22 કેરેટનું સોનું છે અને તેની શુદ્ધતા 91.6 ટકા છે. અને બાકીનું ચાંદી કે ઝીંક છે. જો તમારા ઘરેણાં પર 18K750 લખ્યું છે. તો તે 75 ટકા શુદ્ધ સોનું છે અને તેમાં 25 ટકા મિલાવટ છે. અનેક દુકાનદાર 18 કેરેટ સોના પર 22 કેરેટના પૈસા લે છે. આવી જ રીતે જો જ્વેલરી પર 14K585 લખેલું છે તો તે 14 કેરેટનું સોનું છે અને માત્ર 58.5 ટકા શુદ્ધ છે.

આ પણ વાંચોઃ હિંડનબર્ગ રિસર્ચ રિપોર્ટની અસર, 2023માં ગૌતમ અદાણીની નેટવર્થમાં 60 અબજ ડોલરનો ઘટાડો

જો તમને જ્વેલર હજી પણ ચાર આંકડાના હોલમાર્ક વાળું સોનું વેચે છે તો આ જૂના છે. જૂના કે નવા કોઈ પણ હોલમાર્કને લઈને તમારા મનમાં શંકા છે તો તમે તેનું સમાધાન કરી શકો છો. આ માટે તમારે BIS કેરની એપ ડાઉનલોડ કરવાની રહેશે. જેમાં તમારે તમારું નામ, ફોન નંબર અને ઈમેઈલ આઈડી મુકવાનું રહેશે. બાદમાં ઓટીપી નાંખશો એટલે વેરિફાઈ કરવાનું ફીચર આપવામાં આવશે. તમે HUID નંબર એન્ટર કરશો એટલે તમને તે અસલી છે કે નકલી તેની ખબર પડી જશે.  આ સાથે તમે હોલમાર્કિંગ સેન્ટર જઈને પણ સોનાની શુદ્ધતાની ખાતરી કરી શકો છો. દેશના તમામ હોલમાર્કિંગ સેન્ટરની યાદી BISની વેબસાઈટ https://www.bis.gov.in/hallmarking-overview/hallmarking-centre/list-of-hallmarking-centres/?lang=de પર મળી જશે.