LIC જોરદાર પેન્શન પ્લાન, એકવાર રોકાણ કરો અને મહિને મળશે આટલા રૂપિયાનું પેન્શન

LIC New Jeevan Shanti Scheme: 40-50 વર્ષની ઉંમર વટાવ્યા પછી, વૃદ્ધાવસ્થાની ચિંતા દરેકને પરેશાન કરવા લાગે છે, ખાસ કરીને એવા લોકો કે જેમની પાસે આર્થિક તંગી હોય છે. કારણ કે નિવૃત્તિ પછી પેન્શન વિના જીવવું ખૂબ જ મુશ્કેલ છે, તેથી દરેક નોકરી કરતા વ્યક્તિએ શક્ય તેટલી વહેલી તકે નિવૃત્તિનું આયોજન કરવું જોઈએ. આ કિસ્સામાં, ભારતીય જીવન વીમા નિગમની નવી જીવન શાંતિની નિવૃત્તિ યોજના ખૂબ જ લોકપ્રિય છે.

પેન્શન માટે ખાસ તૈયાર કરવામાં આવેલ એલઆઈસીના આ પ્લાનની સૌથી મોટી વિશેષતા એ છે કે તેને માત્ર એક જ વાર જમા કરાવવાનું રહેશે અને નિવૃત્તિ પછી જીવનભર પેન્શન મળશે. LICની નવી જીવન શાંતિ યોજનાનો પ્લાન નંબર 858 છે. ચાલો જાણીએ આ યોજનાની વિશેષતાઓ અને નિયમો અને શરતો.

પ્લાન ખરીદતી વખતે તમને પેન્શન ક્યારે જોઈએ તેમાંથી પસંદ કરો
કોઈ કારણસર નોકરીમાં અકાળ નિવૃત્તિ લેવી પડે છે, આ સ્થિતિમાં આવકનો સ્ત્રોત સમાપ્ત થઈ જાય છે. આ પ્રકારની સમસ્યાને ધ્યાનમાં રાખીને LICની નવી જીવન શાંતિ યોજના તૈયાર કરવામાં આવી છે. આ એક વિલંબિત વાર્ષિકી યોજના છે, જેને લેતા સમયે તમે પેન્શનની રકમ નક્કી કરી શકો છો. ઓછામાં ઓછા એક વર્ષના નિયમિત અંતરાલ પછી, તમને દર મહિને પેન્શન મળવાનું શરૂ થાય છે.

આ પણ વાંચોઃ મુકેશ અંબાણીના માર્ગે ચાલથે તેમના બાળકો, નહીં લે કોઈ પગાર, માત્ર મળશે આ ફી

LIC ન્યૂ જીવન શાંતિ પ્લાનની મુખ્ય વિશેષતા
- આ એક સિંગલ પ્રીમિયમ પ્લાન છે એટલે કે તમારે માત્ર એકવાર રોકાણ કરવું પડશે.
- ડેફર્ડ એન્યુટી પ્લાન (રોકાણ કર્યા બાદ 1થી 12 વર્ષના સમય બાદ પેન્શન મેળવવાનો વિકલ્પ)
- પેન્શનની રકમ વાર્ષિક, અર્ધવાર્ષિક, ક્વાર્ટર અને મહિને મેળવવાનો વિકલ્પ
- 10 લાખના રોકાણ પર 11000 રૂપિયાથી વધુનું માસિક પેન્શન મળે છે.
- આ પ્લાનમાં 6.81થી 14.62 ટકા સુધી વ્યાજ
- સિંગલ લાઇફ અને જોઈન્ટ લાઇફ બંનેમાં પેન્શન મેળવવાની સુવિધા

પ્રવેશની લઘુત્તમ અને મહત્તમ ઉંમર
30 વર્ષથી 79 વર્ષની વયજૂથની કોઈપણ વ્યક્તિ આ પ્લાનમાં રોકાણ કરી શકે છે. ખાસ વાત એ છે કે તમે આ પ્લાન ગમે ત્યારે સરન્ડર કરી શકો છો. આમાં રોકાણની કોઈ મહત્તમ મર્યાદા નથી. જો આ સમયગાળા દરમિયાન પૉલિસીધારકનું મૃત્યુ થાય છે, તો તેના ખાતામાં જમા કરાયેલા નાણાં સાથે કેટલીક વધારાની રકમ નોમિનીને આપવામાં આવશે. આ પ્લાનમાં કોઈ જોખમ કવર નથી.