Gold Price Today: 80,000 ને પાર જઇ શકે છે સોનું 1 વર્ષમાં 20% રિટર્નની આશા, શું છે એક્સપર્ટની સલાહ?

Gold-Silver Price Today:  મિડલ ઇસ્ટમાં ચાલી રહેલી વોરની અસર ગોલ્ડના ભાવ (Gold Price) સ્પષ્ટ જોવા મળી રહી છે. સોનાની કિંમત સાંભળીને બધાના પરસેવા છૂટી રહ્યા છે. આજે ફરી સોનાના ભાવ 72000 હજારને પાર નિકળી ગયા છે. મલ્ટી કમોડિટી એક્સચેંજ પર સોનાના ભાવ (MCX Gold Price) માં સતત વધારો જોવા મળી રહ્યો છે. સોનાની સાથે ચાંદીના ભાવ  (Silver Price)  માં તેજી છે. 

આ વર્ષે અત્યાર સુધી ગોલ્ડના ભાવમાં 14.75 ટકાની તેજી જોવા મળી રહી છે. 1 જાન્યુઆરી 2024 ના રોજ ગોલ્ડનો ભાવ 63920 રૂપિયા પ્રતિ 10 ગ્રામના લેવલ પર હતો. તો બીજી તરફ 12 એપ્રિલના રોજ ગોલ્ડના ભાવ 73350 ના રૂપિયાના રેકોર્ડ લેવલ પર પહોંચી ગઇ હતી. 

72000 ને પાર સોનું
સોનાના ભાવમાં ચાલી રહેલી તેજીના લીધે સોનાના ભાવ સાતમા આસમાને પહોંચી ગયા છે. આજે સોનાના ભાવ 72000 ને પાર છે. મલ્ટી કમોડિટી એક્સચેંજ પર સોનાના ભાવ 0.35 ટકાની તેજી સાથે 72092 રૂપિયા પ્રતિ 10 ગ્રામ પર છે. આ ઉપરાંત ચાંદીના ભાવ 1.17 ટકાની તેજી સાથે  83780 રૂપિયા પ્રતિ કિલોગ્રામ છે. 

20 ટકાથી વધુનું રિટર્ન આપી શકે છે ગોલ્ડ
કેડિયા એડવાઇઝરીના નિર્દેશક અજય કેડિયાએ જણાવ્યું કે ગ્લોબલ સ્થિતિને જોતાં સોનામાં આગળ પણ તેજી જોવા મળી શકે છે. આ વર્ષે સોનામાં રોકાણ કરનારાઓને 20 ટકાથી વધુનું રિટર્ન આપી શકે છે. જોકે જોખમ બનેલું છે. તો બીજી તરફ વર્ષ 2023-24 માં ગોલ્ડ રોકાણકારોને 18 ટકાનું રિટર્ન આપ્યું છે. 

80,000 સુધી પહોંચી શકે છે સોનું
એક્સપર્ટનું માનવું છે કે જો મિડલ ઇસ્ટના દેશ આ વોરમાં સામેલ હોય છે તો સોનાના ભાવમાં તેજી જોવા મળશે. એક્સપર્ટનું માનીએ તો સોનાના ભાવ આ સ્થિતિમાં 80,000 ના લેવલ સુધી પહોંચી શકે છે.