સોનાના ભાવમાં લાગ્યો મોંઘવારીનો કરંટ, બે મહિના 11 હજાર મોંઘુ થયું સોનું

Gold Price Delhi NCR: સોનાના ભાવ સડસડાટ ભાગી રહ્યા છે. દેશ વિદેશમાં સોનાના ભાવ વધવાનો સિલસિલો સતત ચાલુ છે. સોનાના ભાવ હાલ ઓલ ટાઇમ હાઇ પર છે. 10 ગ્રામ સોનાની કિંમત લગભગ 72 હજાર રૂપિયા સુધી પહોંચી ગઇ છે. સોનાના ભાવમાં ગત બે મહિનામાં 11 હજાર રૂપિયાથી વધુનો વધારો થઇ ગયો છે. સોનાના ભાવ વધવા પાછળ શું કારણ છે અને કેમ ગોલ્ડમાં રોકાણ કરવાનો યોગ્ય સમય છે. 

સોનાના ભાવે બનાવ્યો નવો રેકોર્ડ 
લગ્નની સિઝન શરૂ થાય તે પહેલા જ સોનાના ભાવમાં વધારો ચાલુ છે. આજે ફરી સોનાએ ઉછાળાનો રેકોર્ડ બનાવ્યો અને સોનાનો ભાવ 72 હજાર 800 રૂપિયા પ્રતિ 10 ગ્રામ પર પહોંચી ગયો. સોનામાં ઉછાળાની સ્થિતિ એવી છે કે બે મહિનામાં તેની કિંમત 11 હજાર રૂપિયાથી વધુ વધી ગઈ છે. આ વર્ષે 14 ફેબ્રુઆરીએ સોનાની કિંમત 61,200 રૂપિયા પ્રતિ 10 ગ્રામ હતી. જ્યાં 21 માર્ચે સોનાનો ભાવ 66,100 રૂપિયા પ્રતિ દસ ગ્રામ પર પહોંચ્યો હતો અને આજે નવો રેકોર્ડ સર્જતા સોનું 73,000 રૂપિયાની નજીક પહોંચી ગયું છે.

વધતી કિંમતથી પરેશાન, તેમછતાં કરી રહ્યા છે ખરીદી
સોનાના ભાવમાં વધારાને કારણે ખરીદદારો પરેશાન છે પરંતુ તેઓ પણ સોનામાં રોકાણને સુરક્ષિત માને છે. તેથી જ અમે ખરીદી પણ કરીએ છીએ. લગ્નની સિઝન શરૂ થવા જઈ રહી છે અને આવી સ્થિતિમાં જે લોકો ઘરે લગ્ન કરી રહ્યા છે તેઓ પણ ઘણી ખરીદી કરી રહ્યા છે. દુકાનદારોનું માનવું છે કે આગામી દિવસોમાં સોનાના ભાવમાં વધુ વધારો જોવા મળી શકે છે.

આખરે દુનિયાભરમાં કેમ વધી રહ્યા છે સોનાના ભાવ? 
સોનાના ભાવમાં તેજી જોઇને ના ફક્ત ભારત પરંતુ દુનિયાભરના લોકો છે. એવામાં મોટો પ્રશ્ન એ છે કે આખરે સોનાના ભાવમાં તેજીનું કારણ શું છે. જાણકારોના અનુસાર તેનું એક કારણ એ છે કે ઘણા દેશોમાં સેંટ્રલ બેંક પોતાના રિઝર્વમાં સોનાનો ભંડાર વધી રહ્યો છે. તેમાં ભારતના રિઝર્વ બેંક અને ચીનનું સેન્ટ્રલ બેંક સામેલ છે. 

75 હજાર સુધી જઇ શકે છે ગોલ્ડના ભાવ
મળતી માહિતી મુજબ પીપલ્સ બેંક ઓફ ચાઈના 17 મહિનાથી સતત સોનાની ખરીદી કરી રહી છે. આ ઉપરાંત આગામી સમયમાં અમેરિકામાં વ્યાજદરમાં ઘટાડો થવાની ભીતિને કારણે પણ સોનાના ભાવમાં વધારો થયો છે. બજારના જાણકારોના મતે આગામી દિવસોમાં સોનાના ભાવમાં વધુ વધારો જોવા મળી શકે છે અને તે 75 હજાર રૂપિયા પ્રતિ 10 ગ્રામ સુધી જઈ શકે છે.