કોમોડિટી બજારમાં બે ત્રણ દિવસ સુસ્તી બાદ હવે આજે બુધવારે સોના અને ચાંદીના ભાવમાં વધારો જોવા મળી રહ્યો છે. ગઈ કાલે તો સોના અને ચાંદીના ભાવમાં જબરદસ્ત મોટો ઘટાડો જોવા મળ્યો હતો. પરંતુ આજે વળી પાછો વાયદા બજાર અને શરાફા બજારમાં સોના અને ચાંદીના ભાવમાં ઉછાળો જોવા મળ્યો છે. જો તમે ખરીદવાનું વિચારતા હોવ તો ફટાફટ લેટેસ્ટ રેટ ખાસ ચેક કરો. 


COMMERCIAL BREAK
SCROLL TO CONTINUE READING

શરાફા બજારમાં ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 266 રૂપિયા ચડીને 75166 રૂપિયાના સ્તરે પહોંચ્યુ છે જે કાલે 74900 પર ક્લોઝ થયું હતું. જ્યારે ચાંદી 1393 રૂપિયા ચડીને 89645ના સ્તરે પહોંચી છે. જે કાલે 88252 પર ક્લોઝ થઈ હતી. 



ગઈ કાલે શુદ્ધ સોનું 1,519 રૂપિયા ગગડીને ઓપનિંગ રેટમાં 75,321 રૂપિયાના સ્તરે પહોંચ્યું હતું. જે સોમવારે 76,840 રૂપિયા પર ક્લોઝ થયું હતું. જ્યારે ચાંદીમાં 2,554 રૂપિયાનો કડાકો થતા ભાવ 88,305 રૂપિયા પર પહોંચ્યો હતો જે સોમવારે 90,859 રૂપિયા પર ક્લોઝ થયો હતો. 


રિટેલ ભાવ પર ફેરવો નજર




વાયદા બજારમાં ભાવ
આજે સવારે વાયદા બજારમાં ગોલ્ડ ફ્યૂચર 221 રૂપિયાની તેજી સાથે 75,122 રૂપિયા પ્રતિ 10 ગ્રામ પર ટ્રેડ થતું જોવા મળ્યું હતું. જે કાલે 74,901 પર ક્લોઝ થયું હતું. આ દરમિયાન ચાંદી 815 રૂપિયા પ્રતિ કિલોગ્રામ ચડી ગઈ અને 90,142 ના સ્તરે પહોંચી ગઈ. કાલે ચાંદી 89,327 રૂપિયાના ભાવે ક્લોઝ થઈ હતી. 


ખાસ નોંધ
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી.