Proprety Price: દેશના મોટા શહેરોમાં ઘર ખરીદવું બન્યું મોંઘું, જાણો અમદાવાદમાં કેટલા વધ્યા ભાવ

Proprety price in Ahmedabad: ક્રેડાઇ કોલિયર્સ લાયસેસ ફોરાસ  ( CREDAI Colliers Liases Foras) રિપોર્ટ અનુસાર ભારતના આઠ શહેરોમાં હવે ઘર ખરીદવું મોંઘુ બન્યું છે. 2024 ની પ્રથમ ત્રિમાસિક આંકડાના અનુસાર દિલ્હી એનસીઆર, બેંગલુરૂ, અમદાવાદ, પૂણે, ચેન્નઇ, કલકત્તા, મુંબઇ મેટ્રોપોલિટન રીઝન, હૈદરાબાદ અને પૂણેમાં મકાનની કિંમતોમાં વધારો થયો છે. 

જ્યાં બેંગલુરૂમાં સૌથી વધુ 19% તો બીજી તરફ ચેન્નઇમાં સૌથી ઓછા 4% નો વધારો થયો છે. આ ઉપરાંત દિલ્હી એનસીઆર, અમદાવાદ અને પૂણેમાં પણ ડબલ ડીઝીટમાં વધારો થયો છે. બાકી શહેરોમાં 2 થી 7 ટકા સુધી ભાવ વધ્યા છે. 

ઘર માટે આ શહેરોમાં આપવા પડશે વધુ પૈસા
વધતી જતી મોંઘવારીની માર હવે દરેક જગ્યાએ પડવા લાગી છે. જે લોકો નવું ઘર જોવાનું સપનું જોઇ રહ્યા છે, તેમના પોકેટ પર બોઝો વધી ગયો છે. ભારતના સિલિકોન વેલી કહેવાતા શહેર બેંગલુરૂના રીફેરી અને આઉટર ઇસ્ટ માઇક્રો માર્કેટમાં ભાવ એક વર્ષમાં 32 ટકા સુધી વધી ગયા છે. 

ત્યારબાદ જ્યારે દિલ્હી એનસીઆરમાં મકાનોની માંગ સતત વધી રહી છે, ત્યારે અહીં મકાનોની કિંમતમાં 16 ટકાનો મોટો ઉછાળો આવ્યો છે. દ્વારકા એક્સપ્રેસ વેની આસપાસ અહીં ઘર ખરીદવું સૌથી મોંઘુ બની ગયું છે. આ વિસ્તારમાં કિંમતોમાં 23 ટકાનો વધારો થયો છે. આ વધતી જતી મોંઘવારીથી ગુજરાતનું અમદાવાદ પણ બાકાત રહ્યું નથી, ત્યાં પણ મકાનોની કિંમતમાં વાર્ષિક 13 ટકાનો વધારો થયો છે.

ગુજરાતને અડીને આવેલા મહારાષ્ટ્રના પૂણેમાં પણ ઘરોના ભાવ આ ગતિએ વધ્યા છે. જોકે દેશની આર્થિક રાજધાની કહેવાતી મુંબઇના મેટ્રોપોલિટન રીઝનમાં મકાન ખરીદવું આ શહેરોના મુકાબલે ઓછું મોંઘુ છે. અહીં કીંમત ડબલ ડીઝીટથી નીચે છે અને કિંમતોમાં 6 ટકાનો વધારો થયો છે. જ્યારે નવા આઇટી હબના રૂપમાં સ્થાપિત થયું હૈદરાબાદમાં 9 ટકા સુધી ઘરોના ભાવ વધ્યા છે. 

પહેલાં પણ વધ્યા છે ભાવ
જ્યારે 2023 ની બીજી ત્રિમાસિકના આંકડા આવ્યા હતા, ત્યારે પણ દેશના ઘણા શહેરોમાં ઘરોના ભાવમાં વધારો થયો છે. કલકત્તામાં ત્યારે ઘરોની કિંમતમાં 15 ટકા સુધીનો વધારો થયો હતો. તે વર્ષે દેશની રાજધાની દિલ્હીમાં પણ 14 ટકા મોંઘા થઇ ગયા હતા. તે સમયે પણ સૌથી વધુ મોંઘા ઘર દ્વારકા એક્સપ્રેસ વે આસપાસ થયા હતા. જે પ્રકારે ઘરોના ભાવ વધી રહ્યા છે આગામી સમયમાં પોતાનું ઘર લેવું વધુ મુશ્કેલ બની જશે.