રેલવે શરૂ કરવાની છે નવી ટ્રેન સેવાઓ, આ રાજ્યોની રાજધાનીને જોડવાનું થશે કામ

નવી દિલ્હી: ભારતીય રેલવે (Indian Railways) દેશના તમામ યાત્રીઓને પોતાની સેવાઓ ઉપલબ્ધ કરાવવાની યોજનાઓ પર સતત કામી રહી છે. આ દરમિયાન ભારતીય રેલવેએ નિર્ણય કર્યો કે જલદી જ કેટલાક રાજ્યોની રાજધાનીઓને જોડવાને લઇને નવી સેવાઓ શરૂ કરવામાં આવશે. તેનાથી સ્થાનિક નિવાસીઓને દેશના અન્ય રાજ્યોમાં સરળતાથી યાત્રા કરવાનો ફાયદો મળશે. 

આ ચાર રાજ્યોને જોડવાનું થશે કામ
પ્રાપ્ત માહિતી અનુસાર રેલવે (Railway Board) હવે ઉત્તર-પૂર્વ (North-East) રાજ્યોની તમામ રાજધાનીઓને રેલ નેટવર્ક (Rail Network) સાથે જોડવાની દિશામાં કામ કરી રહ્યું છે. ભારતીય રેલવેના અનુસાર આગામી ત્રણ વર્ષમાં ઉત્તર-પૂર્વી રાજ્યોના તમામ સાત રાજ્યોની રાજધાનીઓને એકબીજા સાથે જોડવામાં આવશે. તેનાથી સ્થાનિક રહેવાસીઓને મુસાફરી કરવામાં સરળતા રહેશે.