Multibagger Stock: દોઢ રૂપિયાના શેરે 4 વર્ષમાં 48 હજારને બનાવી દીધા 1 કરોડ, જાણો કઇ છે કંપની

Multibagger in 2023: જો તમે શેરબજારમાં યોગ્ય સ્ટોકમાં સમજદારીપૂર્વક નાણાંનું રોકાણ કરો છો, તો તમે ખૂબ જ ઝડપથી કરોડપતિ બની શકો છો. બજારમાં એવા ઘણા શેરો છે જેણે રોકાણકારોને સમૃદ્ધ બનાવ્યા છે. આજે અમે તમને એવા જ એક શેર વિશે જણાવવા જઈ રહ્યા છીએ, જેણે માત્ર 4 વર્ષમાં જ રોકાણકારોને કરોડપતિ બનાવી દીધા છે. આ શેર માત્ર દોઢ રૂપિયાનો હતો. હવે આ શેરનો ભાવ રૂ.300ને પાર કરી ગયો છે. 

શેરમાં હજુ પણ તેજી જળવાઈ રહી છે. શેરબજારમાં લોકોને બમ્પર નફો પણ થાય છે, પરંતુ કેટલીકવાર તેમને ભારે નુકસાન સહન કરવું પડે છે. આવી સ્થિતિમાં શેરબજારમાં જાણકારી વગર રોકાણ ન કરો. શેરબજારમાં રોકાણ કરતા પહેલા એક વખત નાણાકીય સલાહકાર સાથે વાત કરો. જો તમે આવું નહીં કરો તો તમારે આર્થિક નુકસાન સહન કરવું પડી શકે છે. ચાલો તમને એવા શેર વિશે જણાવીએ જે રોકાણકારોને કરોડપતિ બનાવે છે.

રોકાણકારોને આપ્યું છપ્પરફાડ વળતર
આ શેર, જેણે રોકાણકારોને માલામાલ બનાવનાર શેર ઓટમ ઇન્વેસ્ટમેન્ટ એન્ડ ઇન્ફ્રાસ્ટ્રક્ચર લિમિટેડનો છે. ઓટમ ઈન્વેસ્ટમેન્ટ એન્ડ ઈન્ફ્રાસ્ટ્રક્ચર લિમિટેડ (Authum Investment & Infrastructure Ltd) એ રોકાણકારોને લાંબા ગાળાની સાથે ટૂંકા ગાળામાં બમ્પર વળતર આપ્યું છે. આ સ્ટોક છેલ્લા 4 વર્ષથી ધમધમતી ગતિએ ચાલી રહ્યો છે. ચાર વર્ષ પહેલા એટલે કે 18 માર્ચ, 2019ના રોજ આ સ્ટોક માત્ર રૂ. 1.55 પર ટ્રેડ થઈ રહ્યો હતો. સાથે જ આ શેર ત્રણસો રૂપિયાના સ્તરને પણ વટાવી ગયો છે. 14 જૂન, 2023ના રોજ આ શેર રૂ. 334.75ના સ્તરે બંધ થયો છે.

48 હજાર લગાવનાર બન્યા કરોડપતિ 
4 વર્ષ પહેલા આ શેરમાં 48 હજાર રૂપિયાનું રોકાણ કરનારા આજે કરોડપતિ બની ગયા છે. રોકાણકારોની મૂડીમાં રેકોર્ડ વધારો થયો છે. આ વર્ષોમાં રોકાણકારોની રકમમાં 20 હજાર 868 ટકાનો વધારો થયો છે. રોકાણકારોને હાલમાં એક કરોડ રૂપિયાથી વધુનું વળતર મળી રહ્યું છે.