YouTube વડે રૂપિયા રળવા બન્યું વધુ સરળ, કંપનીએ શરતોમાં આપી છૂટછાટ

Do you need 1000 subscribers on YouTube to get paid: YouTube એ ક્રિએટર્સ માટે તેના પ્લેટફોર્મ પર પૈસા કમાવવાનું થોડું સરળ બનાવ્યું છે. કંપનીએ હવે નક્કી કરેલા માપદંડોમાં થોડી છૂટછાટ આપી છે. YouTube સતત ક્રિએટર્સને વીડિયો બનાવવા રેવન્યૂ શેર કરવા માટે સતત પ્રોત્સાહિત કરે છે. આ માટે ક્રિએટર્સને એક ચેકલિસ્ટ પૂર્ણ કરવું પડશે. હવે આમાં થોડી રાહત આપવામાં આવી છે.

YouTube માં પૈસા કમાવવાનું શરૂ કરવા માટે ક્રિએટર્સ માટે સબ્સ્ક્રાઇબરની સંખ્યા અને એક વર્ષમાં વોચ અવર્સને પુરા કરવાના હોય છે. હાલમાં વધતા જતાં ક્રિએટર ઇકોનોમી અને  દુનિયાભરમાં હરીફ પ્લેટફોર્મ્સ તરફથી મળી રહેલા પડકારને કારણે નિર્ધારિત માપદંડોમાં ઘટાડો કર્યો છે.

TechCrunchના એક અહેવાલ મુજબ, કંપનીએ YouTube પાર્ટનર પ્રોગ્રામ (YPP) હેઠળ ક્રિએટર્સમાટે મોનીટાઇઝેશન ઓપ્શન શરૂ કરવા માટે જરૂરી જરૂરિયાતોને ઘટાડી દીધી છે.

નવા નિયમો અનુસાર, YouTube પાર્ટનર પ્રોગ્રામ માટે ક્રિએટર્સ પાસે 500 થી વધુ સબ્સ્ક્રાઇબર્સ, છેલ્લા 90 દિવસમાં ત્રણ પબ્લિક અપલોડ અને છેલ્લા 1 વર્ષમાં 300 વોચ અવર્સ અથવા છેલ્લા 90 દિવસમાં 3 મિલિયન શોર્ટ વ્યૂઝ હોવા જોઇએ.

પહેલાં ક્રિએટર્સ ઓછામાં ઓછા 1,000 સબ્સક્રાઇબર્સ, 4000 વોચ અવર્સ અથવા ગત 90 દિવસમાં 10 મિલિયન શોર્ટ વ્યૂઝની જરૂર પડતી હતી. ત્યારે ક્રિએટર્સ પાર્ટનર પ્રોગ્રામ માટે ક્વોલિફાય કરી શકતા હતા. 

જો કોઈ ક્રિએટર્સ આ રિક્વાયરમેંટ્સને પૂર્ણ કરે છે, તો તેઓ YPPનો ભાગ બનશે અને તેમની પાસે સુપર થેંક્સ, સુપર સ્ટિકર્સ, સુપર ચૅટ અને ચૅનલ મેમ્બરશિપ પ્રમોટ કરવા અને YouTube શૉપિંગ માટે પ્રમોટ કરવાના પણ એક્સેસ મળી જશે. 

રિપોર્ટ અનુસાર, YouTube દ્રારા નવી એલિઝિબિલિટી ક્રાઇટેરિયાને યુએસ, યુકે, કેનેડા, તાઈવાન અને દક્ષિણ કોરિયામાં લાગુ કરવામાં આવી રહ્યો છે. બાદમાં તેને અન્ય દેશોમાં પણ લાગુ કરવામાં આવશે. હાલમાં, ભારતમાં તેની ઉપલબ્ધતા વિશે માહિતી જાહેર કરવામાં આવી નથી.