અત્યારે નહી મળે 100 રૂપિયાની નવી નોટ, માર્કેટમાં આવતાં લાગશે 1 વર્ષ, જાણો કેમ?

નવી દિલ્હી: રિઝર્વ બેંક ઓફ ઇન્ડીયાએ 100 રૂપિયાની નવી નોટની પહેલી તસવીર તો જાહેર કરી દીધી છે, પરંતુ માર્કેટમાં આ નોટને આવતાં લગભગ 1 વર્ષ લાગશે. જોકે એટીએમને 100 રૂપિયાના નોટ લાયક બનાવવામાં કંપનીને દેશના 2.4 લાખ મશીનોને રિકૈલિબ્રેટ કરવા પડશે. એટીએમ ઓપરેશન ઇંડસ્ટ્રીના અનુસાર નવી નોટોના લીધે તેના પર 100 કરોડ રૂપિયાનો ખર્ચ થશે. એટલા માટે નોટને બજારમાં આવતાં સમય લાગશે. 

ફસાયો ATMનો પેંચ
તમને જણાવી દઇએ કે તાજેતરમાં જ 200 રૂપિયાની નોટ જાહેર કરવામાં આવી હતી અને તેના માટે પણ એટીએમને રિકૈલિબ્રેટ કરવા પડ્યા. ઇંડસ્ટ્રીના જાણકારોનું કહેવું છે કે 200 રૂપિયાની નોટ માટે બધા એટીએમ રિકૈલિબ્રેટ કરવાનું કામ પુરૂ થયું નથી ને નવી નોટ આવી ગઇ છે. રિઝર્વ બેંકે 100 રૂપિયાની નવી નોટ લાવવાની જાહેરાત કરી દીધી છે, પરંતુ તમારે બધા ATM પર આ નોટ મળવામાં 1 વર્ષ જેટલો સમય લાગી શકે છે.

નવી નોટની સાઇઝથી રિકૈલિબરેટ થશે ATM
એટીએમ સર્વિસ પુરી પાડનાર કંપની એફએસએએસના ડાયરેક્ટર, સીએટીએમઆઇ એન્ડ પ્રેસીડેંટ વી બાલાસુબ્રમણિયમના અનુસાર કોઇ નોટની સાઇઝમાં ફેરફાર થતાં એટીએમને તે નોટની સાઇઝ મુજબ રિકૈલિબ્રેટ કરવું પડે છે. હવે પ્રશ્ન એ છે કે અમે એટીએમને નવા અને જૂના બંને પ્રકારના નોટ મુજબ કેવી રીતે રિકૈલિબ્રેટ કરીએ. એવામાં એટીએમમાં જૂની નોટનું ચાલુ રહેવું અને એટીએમ ચેનલ દ્વારા નવી નોટ પેશન થવી અને તેની ઉપલબ્ધતા તે સુનિશ્વિત કરશે કે તેને રિકૈલિબ્રેટ કરવામાં આવે કે નહી.

લાગશ એક લાખ
બેંક અધિકારીઓના અનુસાર 100 રૂપિયાની નવી નોટ મુજબ 2.4 લાખ એટીએમને રિકૈલિબ્રેટ કરવામાં 12 મહિના જેટલો સમય લાગશે અને ઓછામાં ઓછા 100 કરોડ રૂપિયાનો ખર્ચ આવશે. હજુ 200 રૂપિયાની નવી નોટ મુજબ બધા એટીએમ રિકૈલિબ્રેટ કરવાની પ્રક્રિયા પુરી થઇ નથી. ત્યારબાદ 100 રૂપિયાની નવી નોટ મુજબ તેને રિકૈલિબ્રેટ કરવા પડશે. તેમાં હજુ સમય લાગશે.

100 રૂપિયાની નવી નોટ સાઇઝ
નવી નોટ આકારમાં જૂની 100ની નોટ કરતાં તથા 10ની નોટ કરતાં સામાન્ય મોટી હશે. તેની સાઇઝ 66 mm×142 mm છે. રિઝર્વ બેંકે કહ્યું કે જૂની 100 રૂપિયાની નોટ પણ લીગલ ટેંડર એટલે માન્ય રહેશે. જ્યારે નવી ડિઝાઇનમાં નોટ ઇશ્યૂ કરવામાં આવે છે જ્યાં સુધી તેનું છાપકામ અને સામાન્ય લોકો સુધી સપ્લાઇ કરવામાં આવે તેનું ડિસ્ટ્રીબ્યૂશન ધીમે-ધીમે વધે છે.