કોરોનાને કારણે હાલ તો નહીં પરંતુ કિંમતમાં આવી શકે છે વધારો

નવી દિલ્હીઃ કોરોનાને ખતરાને ધ્યાનમાં રાખતા સીતારમને આજે ઇન્ડસ્ટ્રીઝ અને ટ્રેડ એસોસિએશનના લોકો સાથે બેઠક યોજી હતી. બેઠક બાદ તેમણે મીડિયાને કહ્યું કે, હાલ કાચા માલની કમી નથી. બુધવારે સંબંધિત મંત્રાલયોના સેક્રેટરીઓની સાથે તેમની બેઠક યોજાવાની છે. તેમણે કહ્યું કે, જરૂર પડવા પર આ મામલાને લઈને PMO સાથે પણ વાત કરશે. નાણાપ્રધાને કહ્યું કે, હાલ ઇન્ડસ્ટ્રીના લોકોએ કિંમતમાં વધારાનો ડર વ્યક્ત કર્યો નથી, પરંતુ સપ્લાઈ ચેન ખોરવાઇ છે. દવાઓમાં ઘટાડાને લઈને અત્યાર સુધી કોઈ રિપોર્ટ સામે આવ્યો નથી. 

ચીનથી આયાત કરતા વેપારીઓ પર અસર
ચીનમાં કોરોના વાયરસને કારણે ગ્લોબલ સપ્લાઈ ચેન ખુબ પ્રભાવિત થઈ છે. ભારતમાં જેટલી પણ ઇન્ડસ્ટ્રીઝ ચીનથી આયાત થનારા માલ પર નિર્ભર છે, તેના પર અસર દેખાવા લાગી છે. કોરોનાને કારણે ગ્લોબલ ટ્રેડની ગાડીની સ્પીડ ઘટવા લાગી છે. જે ઇન્ડસ્ટ્રી ચીનથી આયાત પર નિર્ભર છે, તેની ફરિયાદ સામે આવવા લાગી છે. મહારાષ્ટ્રના ઔરંગાબાદમાં આશરે 4000 નાની કંપનીઓ છે જે ચીનથી આયાત પર નિર્ભર છે. આ કંપનીના પ્રતિનિધિઓનું કહેવું છે કે, સપ્તાઈ ખોરવાતા તેના કારોબાર પર અસર પડી છે. 

ભારતની 28 ટકા આયાત પ્રભાવિત થશે
ભારત ઇલેક્ટ્રિકલ મશીનરી, મિકેનિકલ અપ્લાયન્સ, ઓર્ગેનિક કેમિકલ્સ, પ્લાસ્ટિક અને સર્જિકલ ઇન્સ્ટ્રૂમેન્ટની સૌથી વધુ આયાત ચીનથી કરે છે. હાલ ત્યાં કારોબાર બંધ છે જેના કારણે ભારતની 28 ટકા આયાત પ્રભાવિત થઈ છે.