Income Tax: કેટલાક લોકોને 20 તો કેટલાક લોકોને 30% ટેક્સ, આ સરકારી આદેશ બધાને જાણવો જરૂરી

Income Tax Return: ઇનકમ ટેક્સ રિટર્ન દરેક વ્યક્તિએ ફાઇલ કરવું પડશે જેની આવક ટેક્સેબલ હોય છે. નવા નાણાકીય વર્ષ 2023-24 માં આવકવેરા રિટર્ન ફાઇલ કરતી વખતે, કેટલાક ફેરફારો પણ જોવામાં આવશે, જોકે ટેક્સપેયર્સને ખબર હોવી જોઇએ. તો બીજી તરફ બજેટ 2023 રજૂ કરતી વખતે, નાણાં પ્રધાન નિર્મલા સીતારમણ દ્વારા ઘણી મહત્વપૂર્ણ જાહેરાતો કરવામાં આવી હતી, જેની અસર લોકો પર પડશે. આ સાથે જ લોકોને ટેક્સ સ્લેબમાં પણ ફેરફાર જોવા મળશે.

આટલા રૂપિયા સુધી ટેક્સ નહી
ઇનકમ ટેક્સ સ્લેબમાં નવી ઇનકમ ટેક્સ વ્યવસ્થાના અમલીકરણ સાથે નોંધપાત્ર ફેરફારો થયા છે. આ દરમિયાન મૂળ છૂટ મર્યાદા વધીને 3 લાખ રૂપિયા થઈ ગઈ છે, જ્યારે પગારદાર વ્યક્તિઓ અને કરદાતાઓ માટે કર મુક્તિ અગાઉની 5 લાખ રૂપિયાની મર્યાદાથી વધીને 7 લાખ રૂપિયા થઈ ગઈ છે. એવામાં જો નવી ટેક્સ રિઝીમ અંતગર્ત ટેક્સ રિટર્ન ફાઇલ કરો છો, તો તમારે 7 લાખ રૂપિયા સુધીનો ઇનકમ ટેક્સ ચૂકવવો પડશે નહીં.

ઇનકમ ટેક્સ સ્લેબ
આ વખતે ઈન્કમ ટેક્સ સ્લેબમાં ઘણા ફેરફાર કરવામાં આવ્યા છે. આ અંતર્ગત 3 લાખ રૂપિયાની વાર્ષિક આવક પર  કોઇ ટેક્સ નહી, 3-6 લાખ રૂપિયાની વાર્ષિક આવક પર 5%, 6-9 લાખ રૂપિયાની વાર્ષિક આવક પર 10%, 9-12 લાખ રૂપિયાની વાર્ષિક આવક પર 15% ટેક્સ ચૂકવવો પડશે. 

ઇનકમ ટેક્સ
બીજી તરફ, જો કોઈ વ્યક્તિ નવા ટેક્સ સિસ્ટમમાં ટેક્સ ફાઈલ કરે છે અને તેની આવક 12 લાખથી 15 લાખ રૂપિયા સુધીની હોય છે, તો તે લોકોએ 20 ટકા આવકવેરા રિટર્ન ફાઈલ કરવું પડશે. બીજી તરફ, જેમની આવક 15 લાખ રૂપિયાથી વધુ છે, તે લોકોએ 30 ટકા ઇનકમ ટેક્સ ભરવો પડશે.

જૂની ટેક્સ વ્યવસ્થા
બીજી તરફ, જો કોઈ વ્યક્તિ જેની ઉંમર 60 વર્ષથી ઓછી છે અને તે જૂની ટેક્સ સિસ્ટમમાંથી ઇનકમ ટેક્સ રિટર્ન ફાઇલ કરે છે, તો તેણે 2.5 લાખ રૂપિયાની વાર્ષિક આવક પર કોઈ ટેક્સ ભરવાનો રહેશે નહીં. બીજી તરફ, તેણે 2.5 થી 5 લાખ રૂપિયાની વાર્ષિક આવક પર 5% આવક વેરો ભરવો પડશે. આ પછી 5-10 લાખ રૂપિયાની વાર્ષિક આવક પર 20 ટકા ટેક્સ અને 10 લાખ રૂપિયાથી વધુની આવક પર 30 ટકા ટેક્સ ભરવો પડશે.