પેટ્રોલ 20 અને ડીઝલ 15 રૂપિયા મોંઘું, ક્રૂડમાં તેજી બાદ ભાવમાં લાગી આગ

કોલંબો:Petrol-Diesel Price: આંતરરાષ્ટ્રીય સ્તરે ક્રૂડના ભાવમાં રેકોર્ડ ઉછાળા બાદ ઈન્ડિયન ઓઈલ કોર્પોરેશન (IOCL)ની સહયોગી કંપનીએ શ્રીલંકામાં પેટ્રોલ અને ડીઝલના દરમાં વધારો કર્યો છે. વૈશ્વિક સ્તરે ઈંધણના ભાવમાં થયેલા વધારાને ટાંકીને કંપનીએ શનિવારે પેટ્રોલ 20 રૂપિયા અને ડીઝલ 15 રૂપિયા મોંઘું કર્યું છે.

એક મહિનામાં બીજી વખત વધ્યા ઈંધણના ભાવ
લંકા ઈન્ડિયન ઓઈલ કંપની (LIOC) એ આ મહિને શ્રીલંકામાં બીજી વખત ઈંધણના ભાવમાં વધારો કર્યો છે. હવે અહીં પેટ્રોલનો ભાવ વધીને 204 રૂપિયા પ્રતિ લિટર અને ડીઝલનો ભાવ 139 રૂપિયા પ્રતિ લિટર થઈ ગયો છે. શ્રીલંકાના નાણાપ્રધાન બાસિલ રાજપક્ષે વધુ આર્થિક રાહત વ્યવસ્થાઓ અંગે ચર્ચા કરવા નવી દિલ્હી સાથે ભારતની મુલાકાતે આવવાના હતા.

7 વર્ષના ઉચ્ચ સ્તરે પહોંચ્યું ક્રૂડ
હાલમાં રાજપક્ષેની આ મુલાકાત મુલતવી રાખવામાં આવી છે. દરમિયાન, લંકા IOCL (LIOC) એ કિંમતોમાં વધારો કર્યો છે. બાસિલ રાજપક્ષે અને વડા પ્રધાન મહિન્દા રાજપક્ષે આ સપ્તાહના અંતમાં દિલ્હી જવાના હતા. તમને જણાવી દઈએ કે આંતરરાષ્ટ્રીય બજારમાં ક્રૂડ ઓઇલની કિંમત 7 વર્ષના ઉચ્ચ સ્તરે પહોંચી ગઈ છે.

રશિયા અને યુક્રેન વચ્ચે ચાલી રહેલા યુદ્ધ વચ્ચે ક્રૂડ અને નેચરલ ગેસના ભાવમાં વધુ વધારો થવાની આશા છે. નિષ્ણાતોનું કહેવું છે કે દેશમાં (ભારત) પાંચ રાજ્યોની વિધાનસભા ચૂંટણી પૂર્ણ થયા બાદ તેલની કિંમત વધી શકે છે.