1 શેર પર 6 બોનસ શેર આપવા જઈ રહી છે આ કંપની, જાણો રેકોર્ડ ડેટ અને વિગત

Bonus Stock: આ સપ્તાહે શેર બજારમાં પૂજા એન્ટરટેઈનમેન્ટ એન્ડ ફિલ્મસ લિમિટેડ (Pooja Entertainment And Films Ltd)એ બોનસ શેર આપવાની જાહેરાત કરી છે. કંપની યોગ્ય ઈન્વેસ્ટરોને એક શેર પર 6 બોનસ શેર આપવાનો નિર્ણય કર્યો છે. શુક્રવારે કંપનીના શેરમાં 2 ટકાની અપર સર્કિટ લાગી હતી. આવો જાણીએ આ સ્ટોક વિશે...

શેર બજારને આપેલી જાણકારીમાં કંપનીએ કહ્યું હતું કે 10 રૂપિયાની ફેસ વેલ્યૂવાળા એક શેર પર 6 શેર બોનસ તરીકે આપવામાં આવશે. આ બોનસ ઈશ્યૂ માટે 9 ડિસેમ્બરની તારીખ રેકોર્ડ ડેટ જાહેર કરવામાં આવી છે. નોંધનીય છે કે કંપની પ્રથમવાર પોતાના ઈન્વેસ્ટરોને બોનસ શેરની ભેટ આપવા જઈ રહી છે. 

આ પણ વાંચોઃ શેર છે કે કુબેરનો ખજાનો! એક લાખના થયા 70 લાખ; રોકાણકારો રાજીના રેડ

શેર બજારમાં કેવું છે પ્રદર્શન?
શુક્રવારે કંપનીના શેરનો ભાવ 2 ટકાની અપર સર્કિટ લાગ્યા બાદ બીએસઈમાં 393.65 રૂપિયાના લેવલ પર પહોંચી ગયા હતા. પાછલા છ મહિનામાં કંપનીના શેરની કિંમતમાં 138 ટકાની તેજી જોવા મળી રહી છે. છેલ્લા એક સપ્તાહમાં આ સ્ટોક પોતાના પોઝીશનલ ઈન્વેસ્ટરોને 90 ટકાનું રિટર્ન આપવામાં સફળ રહ્યો છે. 

શેર બજારમાં કંપનીનો 52 વીક હાઈ 393.65 રૂપિયા અને 52 વીકનું લો લેવલ 149.40 રૂપિયા છે.