શું નોટ પર જોવા નહીં મળે મહાત્મા ગાંધીની તસવીર? આરબીઆઈએ જણાવી હકીકત

નવી દિલ્હીઃ શું આવનારા સમયમાં મહાત્મા ગાંધીની તસવીરને નોટ પરથી હટાવી દેવામાં આવશે? સોશિયલ મીડિયા પર ચાલી રહેલી ચર્ચા પર ભારતીય રિઝર્વ બેન્ક તરફથી સ્પષ્ટતા સામે આવી છે. ભારતની કેન્દ્રીય બેન્ક અનુસાર આવો કોઈ પ્રસ્તાવ આપવામાં આવ્યો નથી. મહત્વનું છે કે એક રિપોર્ટમાં કહેવામાં આવ્યું કે રવિન્દ્ર નાથ ટાગોર અને અબ્દુલ કલામના ફોટોવાળી નવી નોટ જલદી જાહેર થઈ શકે છે.

ભારતીય રિઝર્વ બેન્ક તરફથી જાહેર કરાયેલા નિવેદનમાં કહેવામાં આવ્યું કે નોટ પર મહાત્મા ગાંધીની તસવીર બદલવાનો કોઈ પ્રસ્તાવ નથી. આરબીઆઈએ સ્પષ્ટ કર્યું કે કેટલીક જગ્યાએ એવા સમાચાર જોયા છે કે રિઝર્વ બેન્ક મહાત્મા ગાંધીના ફોટોવાળી વર્તમાન મુદ્રાઓ અને બેન્ક નોટને બદલી તેના પર અન્ય લોકોના ફોટોવાળી નોટ અને ચલણ લાવવા પર વિચાર કરી રહ્યું છે. પરંતુ આરબીઆઈ પાસે આવો કોઈ પ્રસ્તાવ નથી.

નોંધનીય છે કે જાપાન અને અમેરિકામાં એકથી વધુ વ્યક્તિઓના ફોટોવાળી નોટો છાડપામાં આવે છે. અમેરિકી ડોલર પર જોર્જથી વોશિંગટન અબ્રાહમ લિંકનની એક તસવીર જોવા મળશે. તો જાપાનના યેન પર પણ ઘણી તસવીર જોવા મળે છે.