Coronavirus: રેટ ઘટાડાથી ઇનકાર નહીં, તમામ જરૂરી પગલાં ભરવા તૈયાર RBI: શક્તિકાંત દાસ

નવી દિલ્હીઃ રેટ કટને લઈને અટકળો વચ્ચે સોમવારે આરબીઆઈના ગવર્નર શક્તિકાંત દાસે સ્પષ્ટ કર્યું કે, નીતિગત વ્યાજ દરોમાં ઘટાડાનો નિર્ણય નાણાકીય નીતિ સમિતિ કરશે. તેમણે તે પણ સ્પષ્ટ કહ્યું કે, કોરોના વાયરસની અસરના નિવારણ માટે તમામ ઉપાયો પર વિચાર કરવામાં આવશે. મુંબઈમાં પ્રેસને સંબોધિત કરતા દાસે કહ્યું, 'અમે કોઈ વાતને નકારી રહ્યાં નથી.' એમપીસીની આગામી બેઠક 31 માર્ચ-3 એપ્રિલ વચ્ચે યોજાશે. 

અમેરિકા, બ્રિટને રેટ કટ કર્યા
વિશ્વભરમાં કોરોના વાયરસના વધતા કેસો વચ્ચે ભારતીય અર્થવ્યવસ્થાને સહારો આપવા માટે આરબીઆઈએ પાસે આપદાના રૂપમાં રેટ કટની આશા કરવામાં આવી રહી હતી. અમેરિકાના કેન્દ્રીય બેન્ક ફેડરલ રિઝર્વે રવિવારે પોલિસી રેટને લગભગ શૂન્યના સ્તર પર લાવી દીધી છે. આ રીતે બેન્ક ઓફ ઈંગ્લેન્ડે પણ રેટમાં 0.50 ટકાનો ઘટાડો કર્યો છે. 

વિકાસ દર પર અસર
તેમણે કહ્યું કે, કોરોના વાયરસ ઘરેલૂની સાથે-સાથે વૈશ્વિક વિકાસ દર પર પણ અસર પાડશે. દાસે કહ્યું કે, ઇલેક્ટ્રોનિક ફાર્મા અને સર્વિસ સેક્ટર પર સૌથી વધુ અસર થશે. તેમણે તે પણ કહ્યું કે, તેઓ રોકાણકારોનો વિશ્વાસ વદારવા માટે ઉપાય કરી રહ્યાં છે. 

જુઓ LIVE TV