Repo Rate પર આવી ગયો RBIનો મોટો નિર્ણય...! જાણો તમારા લોનની EMI વધશે કે ઘટશે?
RBI On Repo Rate: ભારતીય રિઝર્વ બેંક ઓફ ઈન્ડિયા (RBI)ની છ સભ્યોની મોનેટરી પોલિસી કમિટીની બેઠક 7 ઓક્ટોબરે શરૂ થઈ હતી અને આજે તેમાં લેવાયેલા નિર્ણયોની જાહેરાત ગવર્નર શક્તિકાંત દાસે કરી અને તેને સતત 10મી વખત સ્થિર રાખવામાં આવી છે.
RBI MPC Meeting Results: ભારતીય રિઝર્વ બેંકની 51મી MPC બેઠકના પરિણામો આવી ગયા છે. બે દિવસીય મોનેટરી પોલિસી કમિટીની બેઠકના પરિણામોની જાહેરાત કરતા સેન્ટ્રલ બેન્કના ગવર્નર શક્તિકાંત દાસે કહ્યું કે આ વખતે પણ પોલિસી રેટ (રેપો રેટ)માં કોઈ ફેરફાર કરવામાં આવ્યો નથી. એટલે કે તમારી લોનની EMI ના તો વધશે કે ઘટશે. આ સતત 10મી વખત છે જ્યારિઝર્વ બેંકે રેપો રેટમાં કોઈ ફેરફાર કર્યો નથી. રેપો રેટ 6.50% પર રહેશે. જ્યારે રિવર્સ રેપો રેટ 3.35% અને બેંક રેટ 6.75% પર સ્થિર રાખવામાં આવ્યો છે.
6માંથી 5 સભ્યો ફેરફારની તરફેણમાં નથી
આરબીઆઈ ગવર્નરે 7 ઓક્ટોબરથી શરૂ થયેલી MPC મીટમાં લેવાયેલા નિર્ણયોની માહિતી આપતા જણાવ્યું હતું કે આ વખતે MPCમાં 3 નવા સભ્યો ઉમેરવામાં આવ્યા છે અને વૈશ્વિક સ્થિતિ સહિત અન્ય પાસાઓને ધ્યાનમાં લીધા બાદ મીટિંગ દરમિયાન 6માંથી 5 સભ્યોએ વ્યાજ દરોને યથાવત રાખવા પર પોતાનો મત આપ્યો. આ સાથે આરબીઆઈ ગવર્નરે કહ્યું કે હવે નીતિના વલણને વિડ્રોવલ ઓફ એપ્રુવલથી બદલીને ન્યુટ્રલ કરી દેવામાં આવ્યું છે.
Repo Rate ની EMI પર અસર
આરબીઆઈની એમપીસીની બેઠક દર બે મહિને યોજાય છે અને રિઝર્વ બેંકના ગવર્નર શક્તિકાંત દાસ સહિત છ સભ્યો મોંઘવારી અને અન્ય મુદ્દાઓ પર (નિયમોમાં ફેરફાર) ચર્ચા કરે છે. તમને જણાવી દઈએ કે રેપો રેટનો સીધો સંબંધ બેંક લોન લેનારા ગ્રાહકો સાથે છે. તેના ઘટવાથી લોનની EMI ઘટે છે અને તેના વધવાને કારણે તે વધે છે. વાસ્તવમાં, રેપો રેટ એ દર છે કે જેના પર દેશની મધ્યસ્થ બેંક ભંડોળની અછતના કિસ્સામાં વ્યાપારી બેંકોને નાણાં ઉછીના આપે છે. રેપો રેટનો ઉપયોગ મોનેટરી ઓથોરિટી દ્વારા મોંધવારીને નિયંત્રિત કરવા માટે કરવામાં આવે છે.
રેપો રેટ હાલમાં 6.5 ટકા પર યથાવત છે. અગાઉ જ્યારે દેશમાં મોંઘવારી અંકુશ બહાર ગઈ હતી અને 7 ટકાને પાર કરી ગઈ હતી. ત્યારે તેને નિયંત્રણમાં લાવવા માટે આરબીઆઈએ રેપો રેટમાં સતત વધારો કર્યો હતો. મે 2022 થી ફેબ્રુઆરી 2023 સુધીમાં તેમાં ઘણી વખત વધારો કરવામાં આવ્યો હતો અને તેમાં 2.5 ટકાનો વધારો થયો હતો. જો કે ત્યારપછી સેન્ટ્રલ બેંક દ્વારા રેપો રેટમાં કોઈપણ પ્રકારનો ફેરફાર કરવામાં આવ્યો નથી.