સામાન્ય માણસ માથા પર ચાર મોટા સંકટ ! રૂપિયાની કિંમત ઘટવાથી થઈ શકે છે આ નુકસાન

નવી દિલ્હી : ડોલરની સરખામણીમાં રૂપિયો સતત નબળો પડી રહ્યો છે. ગુરુવારે પણ રૂપિયામાં ભારે અવમૂલ્યન જોવા મળ્યું છે. રૂ. 28 પૈસા નબળો થઈને ખુલ્યો અને આની સાથે જ રૂપિયો 69ના સ્તરની બહુ નજીક પહોંચી ગયો છે. આ ઐતિહાસિક નીચેનું સ્તર છે. જાણકારોની માનીએ તો રૂ.માં હજી પણ અવમુલ્યન જોવા મળી શકે છે. જો રૂપિયો નબળો પડે તો માત્ર દેશને જ નહીં પણ સામાન્ય માણસને પણ એની અસર થઈ શકે છે. રૂપિયાની કિંમત ઘટવાથી સામાન્ય માણસને ચાર મોટા નુકસાન થઈ શકે છે. 

1. મોંઘવારી વધવાનો ખતરો - રૂપિયા સામે ડોલર મજબૂત થશે કે તરત કાચા તેલની કિંમતો વધી જશે. આની સીધી અસર પેટ્રોલ તેમજ ડીઝલની કિંમતો પર થશે. આ સિવાય જે દેશ કાચા તેલને ઇમ્પોર્ટ કરે છે એને વધારે પૈસા ખર્ચ કરવા પડશે. ભારતમાં જો ક્રુડ મોંઘું થશે તો સીધી મોંઘવારી વધી શકે છે. 

2. વિદેશ પ્રવાસ બનશે મોંઘો - રૂપિયો નબળો પડવાથી વિદેશ પ્રવાસ મોંઘો થશે. મોટાભાગના દેશોમાં ડોલરમાં ચૂકવણી થાય છે. આ સિવાય કરન્સી કન્વર્ટ કરાવવા માટે તમારે ડોલરની સરખામણીમાં વધારે ભારતીય રૂ. ખર્ચ કરવા પડશે. 

3. મોંઘો બનશે વિદેશ અભ્યાસ - જો તમારું બાળક વિદેશમાં અભ્યાસ કરી રહ્યું હશે તો એની ફી પણ મોંઘી થઈ જશે. હવે પહેલાં કરતા વધારે ફી અને હોસ્ટેલ બિલ ચૂકવવા પડશે. 

4. વધશે ઇમ્પોર્ટ બિલ - રૂપિયો નબળો પડવાની સ્થિતિમાં ભારત જ્યાં પણ  ડોલરમાં પેમેન્ટ કરે છે એ પેમેન્ટ મોંઘું બનશે. આની સીધી અસર ગ્રાહકો પર પડશે.