24 રૂપિયામાં મળે છે 400 રૂપિયાનો શેર : કોરોનાકાળથી 5 ગણો વધ્યો ભાવ, શું ખરીદવો જોઈએ?
કોરોના સમયગાળામાં આ શેર 5 રૂપિયામાં મળતો હતો પણ તમને નવાઈ લાગશે કે છ વર્ષ પહેલાં આ શેરની કિંમત 400 રૂપિયાની આસપાસ હતી પરંતુ ખરાબ સમાચારને કારણે શેર તળિયે પહોંચી ગયો હતો.
નવી દિલ્હીઃ શેરબજારમાં લોકો શેરની કિંમત ઘટવાની રાહ જોતા હોય છે કારણ કે સસ્તા ભાવે શેર ખરીદી શકાય. જો તમે પણ આવો સ્ટોક શોધી રહ્યા છો, તો એક એવો સ્ટોક છે જે તેની ટોચથી ઘણો નીચે આવ્યો છે. આ શેર એક સમયે 400 રૂપિયાની કિંમતે ઉપલબ્ધ હતો પરંતુ હવે તેની કિંમત માત્ર 24 રૂપિયા છે. ખાસ વાત એ છે કે આ બેન્કિંગ સેક્ટરનો હિસ્સો છે. યસ બેંકનો શેર (Yes Bank Share) એક સમયે 400 રૂપિયાના સ્તરે પહોંચ્યો હતો, પરંતુ 2018 અને 2019માં આ બેંકે બેડ લોનને કારણે ખરાબ સમયનો સામનો કરવો પડ્યો અને ત્યાંથી શેર સતત નીચે જતો રહ્યો. પરિણામે યસ બેન્કનો (Yes Bank) શેર રૂ.12ના સ્તરે ગબડી ગયો હતો. કોરોના સમયગાળાના ઘટાડા દરમિયાન આ શેર 5 રૂપિયાના ભાવે ઉપલબ્ધ હતો.
શું તમારે હવે આ શેર ખરીદવો જોઈએ?
2019માં બેડ લોનને કારણે યસ બેંકની (Yes Bank)સ્થિતિ વધુ ખરાબ થઈ હતી. આ પછી RBIએ કાર્યવાહી કરી અને યસ બેંકનું (Yes Bank Share) કામ સ્ટેટ બેંક ઓફ ઈન્ડિયાના મેનેજમેન્ટને સોંપી દીધું. યસ બેંકમાં SBIનો મોટો હિસ્સો છે. જો કે, છેલ્લા કેટલાક દિવસોથી એવા અહેવાલો આવી રહ્યા છે કે વિદેશી નાણાકીય કંપનીઓએ યસ બેંકમાં (Yes Bank) હિસ્સો ખરીદવાની ઇચ્છા વ્યક્ત કરી છે. જેના કારણે શેરમાં ભારે હલચલ જોવા મળી રહી છે. જો કે, હજુ પણ યસ બેંક છેલ્લા 3 વર્ષથી 20થી 30 રૂપિયાની કિંમતની રેન્જમાં ટ્રેડ કરી રહી છે. જેથી ઘણા નિષ્ણાતોએ યસ બેંક (Yes Bank)પર ખરીદીની સલાહ આપી છે.
આ પણ વાંચોઃ રતન ટાટાના આ સ્ટોકે કર્યા કંગાળ! પહેલા દલાલ સ્ટ્રીટ પર ગર્જયો, પછી 850 રૂપિયા તૂટ્યો
સ્ટોક્સ બૉક્સમાં, ટેકનિકલ એનાલિસ્ટ કુશલ ગાંધીએ યસ બેંકના (Yes Bank) શેર પર ખરીદીનો અભિપ્રાય આપ્યો છે. યસ બેન્કનો (Yes Bank)સ્ટોક રૂ.27ના સ્તરની નજીક રેજિસ્ટેંસનો સામનો કરી રહ્યો છે. શેરમાં ઓછી વોલેટિલિટી અને મજબૂતાઈ જોવા મળી રહી છે. યસ બેંકની વર્તમાન કિંમત રૂ. 24 છે અને તેને રૂ. 23.40ના સ્ટોપલોસ સાથે રૂ. 27.50ના ટાર્ગેટ પર ખરીદી શકાય છે.
(DISCLAIMER: અહીં શેરો પર નિષ્ણાત અભિપ્રાયની રોકાણની સલાહ છે. શેરબજારમાં રોકાણ બજારના જોખમોને આધીન હોવાથી, રોકાણ કરતા પહેલાં કૃપા કરીને પ્રમાણિત એડવાઈઝરની સલાહ લો.)