Summer Holidays: જો તમે ફરવાના શોખીન છો તો આ 5 ક્રેડિટ કાર્ડનો કરો ઉપયોગ, રૂપિયા બચશે અને ફાઈવસ્ટાર સુવિધાઓ મળશે

Top Travel Credit Cards: જો તમે ફરવાના શોખીન છો, તો Travel Credit Card તમારા માટે ખૂબ જ ઉપયોગી છે. આ કાર્ડ લોકોને રિવોર્ડસ મેળવવાની અને ફ્લાઇટ બુકિંગ પર પૈસા બચાવવાની તક આપે છે. આ સિવાય તમે કોમ્પ્લીમેન્ટરી લાઉન્જ એક્સેસ, હોટેલ સ્ટે, મેમ્બરશિપ, ફોરેક્સ માર્કઅપ ફી વગેરે પર પણ પૈસા બચાવી શકો છો. અહીં ટોચના-5 ક્રેડિટ કાર્ડ્સનું લિસ્ટ છે જે આ સિઝનમાં ભારત અને વિદેશમાં તમારા પ્રવાસના અનુભવને બહેતર બનાવશે.

ઉનાળાની રજાઓના આગમન સાથે લોકો તેમના પરિવાર સાથે મુસાફરી કરવાનું આયોજન કરે છે, પરંતુ કેટલીકવાર ટ્રિપ પ્લાનિંગને કારણે બજેટમાં થોડી ગરબડ થઈ શકે છે. Travel Credit Card તમને મદદ કરી શકે છે. જો તમે મુસાફરીના શોખીન છો, તો આ Travel Credit Card તમારા માટે ખૂબ જ ઉપયોગી છે.  અહીં ટોચના-5 ક્રેડિટ કાર્ડ્સનું લિસ્ટ છે, જે તમને ફાયદો કરાવશે.

Axis Bank Magnus Credit Card
Axis Bank Magnus Credit Card દ્વારા વૈશ્વિક સ્તરે અમર્યાદિત કોમ્પ્લિમેન્ટરી એરપોર્ટ લાઉન્જ એક્સેસ ઓફર કરે છે. તે ભારતમાં ઓબેરોય હોટેલ્સ એન્ડ રિસોર્ટ્સ અને ટ્રાઇડેન્ટ હોટેલ્સ પર 15 ટકા ડિસ્કાઉન્ટ ઓફર કરે છે. આ સિવાય તે દેશભરમાં લગભગ 4,000 રેસ્ટોરાંમાં 40 ટકા ડિસ્કાઉન્ટ ઓફર કરે છે. આ ક્રેડિટ કાર્ડ દ્વારા આંતરરાષ્ટ્રીય વ્યવહારો પર 2% ફોરેક્સ માર્કઅપ ફી છે. આ કાર્ડની વાર્ષિક ફી 12,500 રૂપિયા છે. જો કે, જો તમે એક વર્ષમાં આ કાર્ડ દ્વારા 25 લાખ રૂપિયાથી વધુ ખર્ચ કરો છો, તો વાર્ષિક ફી માફ કરવામાં આવે છે.

HSBC Premier Credit Card
HSBC Premier Credit Card સ્થાનિક અને આંતરરાષ્ટ્રીય લાઉન્જની સેવાઓ માટે અમર્યાદિત મફત ઍક્સેસ પ્રદાન કરે છે. યુઝર્સને તાજ હોટેલ્સમાં એપિક્યોર મેમ્બરશિપ અને કાર્ડ એક્ટિવેશન પર રૂ. 12,000નું તાજ એક્સપિરિયન્સ ગિફ્ટ કાર્ડ મળે છે. આ કાર્ડ તમને 20 થી વધુ સ્થાનિક અને આંતરરાષ્ટ્રીય એરલાઈન્સ પર રિવોર્ડ પોઈન્ટ્સને એરમાઈલમાં કન્વર્ટ કરવાની મંજૂરી આપે છે. આ ક્રેડિટ કાર્ડ દ્વારા આંતરરાષ્ટ્રીય વ્યવહારો પર 0.99 ટકા ફોરેક્સ માર્કઅપ ફી છે. આ કાર્ડની વાર્ષિક ફી 20,000 રૂપિયા છે.

Axis Miles & More World Credit Card
Axis Miles & More World Credit Card તમારા ખર્ચ પર અમર્યાદિત માઇલ ઓફર કરે છે અને માઇલ સમાપ્ત થતા નથી. યૂઝર્સ એરલાઇન ભાગીદારો સાથે ફ્લાઇટ ટિકિટ બુક કરવા, હાલની ફ્લાઇટ ટિકિટ અપગ્રેડ કરવા, હોટેલ બુકિંગ પર ઑફર્સ અને પાર્ટનર સ્ટોર્સ અથવા ઑનલાઇન શોપિંગ સહિત અનેક રીતે માઇલ્સને રિડીમ કરી શકે છે. તે કોમ્પ્લિમેન્ટરી પ્રાયોરિટી પાસ અને ક્વાર્ટર દીઠ 4 કોમ્પ્લિમેન્ટરી લાઉન્જ એક્સેસ ઓફર કરે છે. ક્રેડિટ કાર્ડધારકો પાર્ટનર રેસ્ટોરન્ટમાં 40 ટકા ડિસ્કાઉન્ટ (રૂ. 1,000 સુધી) મેળવી શકે છે. આ ક્રેડિટ કાર્ડ દ્વારા આંતરરાષ્ટ્રીય વ્યવહારો પર 3.5 ટકા ફોરેક્સ માર્કઅપ ફી છે. આ કાર્ડની વાર્ષિક ફી 3,500 રૂપિયા છે.

HDFC Infinia Credit Card
HDFC Infinia Credit Card કોમ્પ્લિમેન્ટરી પ્રાયોરિટી પાસ સાથે વિશ્વભરમાં અમર્યાદિત એરપોર્ટ લાઉન્જ એક્સેસ ઓફર કરે છે. કાર્ડધારકોને 3,000 થી વધુ રેસ્ટોરન્ટમાં 15 ટકા અને મેરિયોટ હોટલમાં 20 ટકા સુધીની છૂટ મળે છે. યુઝર્સને હવાઈ મુસાફરી પર રૂ. 3 કરોડનું વીમા કવર અને રૂ. 50 લાખનો મેડિકલ વીમો મળે છે. આ કાર્ડધારકોને SmartBuy પર મુસાફરી અને શોપિંગ ખર્ચ પર 10X રિવોર્ડ મેળવવાની તક આપે છે. આ ક્રેડિટ કાર્ડ દ્વારા ઈન્ટરનેશનલ ટ્રાન્જેક્શન પર 2% ફોરેક્સ માર્કઅપ ફી છે. આ કાર્ડની વાર્ષિક ફી 10,000 રૂપિયા છે.

ICICI Emeralde Private Metal Card
ICICI Emeralde Private Metal Card વ્યાપક મુસાફરી વીમા કવરેજ સાથે પ્રાયોરિટી પાસ મેમ્બરશિપ સાથે આંતરરાષ્ટ્રીય અને સ્થાનિક એરપોર્ટ પર અમર્યાદિત લાઉન્જ એક્સેસ ઓફર કરે છે. આ ક્રેડિટ કાર્ડ દ્વારા કરવામાં આવેલા ટ્રાવેલ બુકિંગ પર કોઈ કેન્સલેશન ચાર્જ લાગતો નથી. આ ક્રેડિટ કાર્ડ દ્વારા આંતરરાષ્ટ્રીય વ્યવહારો પર 2% ફોરેક્સ માર્કઅપ ફી છે. આ કાર્ડની વાર્ષિક ફી 12,499 રૂપિયા છે. જો કે, જો તમે એક વર્ષમાં આ કાર્ડ દ્વારા 10 લાખ રૂપિયાથી વધુ ખર્ચ કરો છો, તો ફી રિટર્ન કરી દેવામાં આવે છે.