નવા વર્ષની શરૂઆતમાં માત્ર 1700 રૂપિયામાં થશે હવાઈ મુસાફરી! ઝડપથી ટિકિટ બુક કરો, આ રહ્યું રૂટ લિસ્ટ અને ભાડું

Indigo Offer: નવું વર્ષ શરૂ થઈ ચૂક્યું છે. આવી સ્થિતિમાં ઘણા લોકો નવા વર્ષ પર મુસાફરી કરવાનો પ્લાન બનાવે છે, પરંતુ એર ટિકિટની કિંમતને કારણે તેઓ ક્યાંય જઈ શકતા નથી. જો તમે પણ નવા વર્ષમાં ક્યાંક ફરવાનું વિચારી રહ્યા છો, તો બજેટ ફ્રેન્ડલી એરલાઈન ઈન્ડિગો (Indigo) તમારા માટે એક ખાસ ઓફર લઈને આવી છે. આ ઑફર હેઠળ તમે 1700 રૂપિયાની ટિકિટ પર હવાઈ મુસાફરી કરી શકો છો. તમને જણાવી દઈએ કે વિન્ટર સેલ હેઠળ ઈન્ડિગો સિવાય બીજી ઘણી કંપનીઓ છે, જે સસ્તા ભાવે હવાઈ મુસાફરી કરવાનો મોકો આપી રહી છે.

દિલ્હીથી આ શહેરો માટે તમે કરાવી શકો છો ટિકિટ
આ ઓફર હેઠળ ઈન્ડિગો ચંદીગઢ, લખનૌ, જયપુર, ઈન્દોર, અમૃતસર, વારાણસી, જમ્મુ, ભોપાલ, શ્રીનગર, અમદાવાદ, પટના, ગોવા, કોચી, મુંબઈ, રાંચી સહિત ઘણા શહેરોમાં હવાઈ મુસાફરી કરવાની તક આપી રહી છે.

ઈન્ડિગોએ પોતાના ઓફિશિયલ ટ્વિટર હેન્ડલ પરથી ટ્વીટ કરીને આ ઓફર વિશે જાણકારી આપી છે. કંપનીએ પોસ્ટ કર્યું અને લખ્યું છે કે જલ્દીથી પેકિંગ કરો અમે તમારી મુલાકાતની રાહ જોઈ રહ્યા છીએ. ઈન્ડિગોએ તેના ટ્વીટમાં તે લિંક પણ શેર કરી છે, જ્યાંથી તમે તમારી ટિકિટ સીધી બુક કરી શકો છો.

આ છે ફ્લાઇટના ભાડા

દિલ્હીથી ચંદીગઢ - રૂ. 1703
દિલ્હીથી લખનૌ - રૂ. 1722
દિલ્હીથી જયપુર - રૂ. 1761
દિલ્હીથી ઈન્દોર - રૂ. 1784
કોચીથી ગોવા - રૂ. 2999
વિશાખાપટ્ટનમથી મુંબઈ - રૂ. 3218
અમદાવાદથી રાંચી - રૂ. 3381
બેંગ્લોરથી રાજકોટ - રૂ. 3599
પુણેથી તિરુવનંતપુરમ - રૂ. 3963
જયપુરથી ગોવા - રૂ. 3999