દીપિકાને મળી એસિડ એટેકની ધમકી ! આપનાર છે...

મુંબઈ : બિગ બોસ 12ની વિનર દીપિકા કક્કડ જીત બાદ એક તરફ જીતની ખુશી મનાવી રહી છે. બીજી તરફ શ્રીસંતની હારથી નારાજ તેના ફેન્સ દીપિકા પર એટેક કરવાની ધમકી આપી રહ્યા છે. દીપિકાના ચાહકોએ આ વાતની જાણકારી મુંબઇ પોલીસને આપી છે. 

બિગ બોસ 12ની વિનર દીપિકા કક્કર પર એસિડ અટેક કરવાની વાત સોશિયલ મીડિયા પર એક યુઝરે કરી. આ યુઝરે પોતાને શ્રીસંતનો ફેન ગણાવ્યો. ટ્વીટમાં દીપિકા સામે ખરાબ ભાષાનો ઉપયોગ કરતાં કહ્યું કે જો ક્યારેય તુ મને સામે મળી તો તારા પર એસિડ ફેંકીશ. આ ટ્વીટ બાદ દીપિકાના ફેન્સ એલર્ટ થયા છે અને આ વિશે મુંબઇ પોલીસને જાણકારી આપી.

સ્પોર્ટબોયને આપેલા ઇન્ટરવ્યૂમાં દીપિકા કક્કડે કહ્યું છે કે તે 30 લાખ રૂપિયાની પ્રાઇઝ મનીથી પોતાની સાસુ માટે નવું ઘર ખરીદશે. ઇન્ટરવ્યૂમાં દીપિકાએ કહ્યું છે કે હું શોએબની અમ્મી માટે ઘર લેવા ઇચ્છું છું. મારું સૌથી પહેલું કામ સારા ઘરની શોધ છે. નોંધનીય છે કે દીપિકાના માનેલા ભાઈ શ્રીસંતે બિગ બોસના સભ્યો માટે ન્યૂ યર પાર્ટી રાખી હતી પણ દીપિકા મીડિયા ઇન્ટરવ્યૂમાં વ્યસ્ત હોવાના કારણે ત્યાં જઈ શકી નહોતી.