કંગનાની `મણિકર્ણિકા`માં ડેનીનો ખાસ રોલ, જાણીને ઉભા થઈ જશે રૂંવાડા

મુંબઈ : એક્ટ્રેસ કંગના રનૌતની મણિકર્ણિકા આવતા વર્ષે ધમાલ મચાવવા માટે તૈયાર છે. આ ફિલ્મની જાહેરાત થઈ ત્યારથી એ સતત ચર્ચામાં છે. આજે આ ફિલ્મમાં મહત્વનો રોલ કરનાર ડેની ડેંગ્ઝોપ્પાનો લુક સામે આવ્યો છે. ડેનીએ આ ફિલ્મમાં  ગુલામ ગૌસ ખાનનો રોલ કર્યો છે. 

બોલિવૂડના જાણીતા ટ્રેડ એક્સપર્ટ તરણ આદર્શે સોશિયલ મીડિયા પર ડેનીનો ગુલામ  ગોસ ખાનનો લુક શેયર કર્યો છે. આ લુકમાં સ્પષ્ટપણે ખબર પડે છે આ લુક કોઈ સીનમાંથી લેવામાં આવ્યો છે. 

ફિલ્મ મણિકર્ણિકામાં ડેની લાંબા સમય પછી ફિલ્મના પડદે જોવા મળશે. ફિલ્મના નિર્માતા કમલ જૈને ડીએનએને આપેલા ઇન્ટરવ્યૂમાં જણાવ્યું હતું કે ગૌસ ખાનના રોલ માટે ડેની અમારી પહેલી પસંદ હતા. ક્રિસ દ્વારા ડિરેક્ટ કરવામાં આવેલી આ ફિલ્મ 25 જાન્યુઆરી, 2018ના દિવસે થિયેટર્સમાં રિલીઝ થવાની છે.