અનુપમ ખેરે વીડિયો શેર કરીને જણાવી કોરોના વાયરસથી બચવાની રીત

નવી દિલ્હીઃ વિશ્વભરમાં આ સમયે કોરોના વાયરસથી હલચમ મચી છે. તો હવે ભારતમાં કોરોના વાયરસના મામલા સામે આવવા પર લોકોની ચિંતા વધી ગઈ છે. આ વચ્ચે વરિષ્ટ અભિનેતા અનુપમ ખેરે કોરોના વાયરસને લઈને એક વીડિયો શેર કર્યો છે. આ વીડિયોમાં લોકોને વાયરસથી બચવા માટે સાવધાની રાખવા માટે કહી રહ્યાં છે. 

અનુપમ ખેરે ટ્વીટ કર્યો વીડિયો
અનુપમ ખેરે મંગળવારે પોતાના ટ્વીટર હેન્ડલ પર એક વીડિયો શેર કર્યો છે. તેમાં અભિનેતાએ લોકોને કોરોના વાયરસથી બચવાની રીત જણાવી છે. તેમણે કહ્યું કે, મને લાગે છે કે એકબીજાનું અભિવાદન કરવા માટે આપણે હાથ મિલાવવાની જગ્યાએ ભારતીય પરંપરા અનુસાર મનસ્તે કરવા યોગ્ય છે. આમ કરવાથી તમે ચેપગ્રસ્ત થતાં બચી શકશો.