Anupamaa શોના ચાહકો માટે વળી પાછા આવ્યા માઠા સમાચાર, જાણીને આઘાત લાગશે

નવી દિલ્હી: સમગ્ર દેશમાં કોરોના વાયરસ (Corona Virus)  મહામારીનો પ્રકોપ વધી રહ્યો છે. દરરોજ કેસમાં જબરદસ્ત ઉછાળો જોવા મળી રહ્યો છે. મહારાષ્ટ્ર (Maharashtra)  કોરોનાની નાગચૂડમાં ફસાયેલું છે. જેના કારણે બોલીવુડ અને ટીવી ઈન્ડસ્ટ્રીના અનેક મોટા ચહેરા તેનો ભોગ બની ચૂક્યા છે. હાલમાં જ અનુપમા સિરિયલની લીડ અભિનેત્રી રૂપાલી ગાંગુલી કોરોના પોઝિટિવ આવી. હવે શોમાં તેના પતિ વનરાજની ભૂમિકા ભજવતો સુધાશું પાંડે  અને શોના પ્રોડ્યુસર રાજન શાહી સહિત અનેક લોકો કોરોનાની ઝપેટમાં આવ્યા છે. 

ફેન્સે કરી સ્વસ્થ થવાની કામના
અત્રે જણાવવાનું કે પોતાના પોઝિટિવ રિપોર્ટ અંગે સુધાંશુ પાંડેએ હજુ સુધી કોઈ ઓફિશિયલ પોસ્ટ કરી નથી પરંતુ તેણે ઈન્સ્ટાગ્રામ સ્ટોરી પર પોતાની ફેન્સની પોસ્ટને શેર કરી છે. તેના ફેન્સ સતત તેના જલદી સાજા થવાની કામના કરતી પોસ્ટ કરી રહ્યા છે. 

પ્રોડ્યુસર રાજન શાહીને પણ કોરોના
રૂપાલી ગાંગુલી અને સુધાંશુ પાંડે જ નહીં આ શોના પ્રોડ્યુસર રાજન શાહીને પણ કોરોના થયો છે. અત્રે જણાવવાનું કે રાજન 'અનુપમા'ની સાથે સાથે 'પ્રતિજ્ઞા 2' અને 'યે રિશ્તા ક્યાં કહલાતા હૈ'ના પણ પ્રોડ્યુસર છે.