બોલીવુડ પર કોરોના સંકટ: અક્ષયકુમાર બાદ વિક્કી કૌશલ અને ભૂમિ પેડણેકરને પણ થયો કોરોના

મુંબઈ: બોલીવુડ અભિનેત્રી ભૂમિ પેડણેકર કોરોના પોઝિટિવ આવી છે. આ ઉપરાંત અભિનેતા વિક્કી કૌશલનો કોરોના રિપોર્ટ પણ પોઝિટિવ આવ્યો છે. ભૂમિએ જણાવ્યું કે તે આમ તો સારું મહેસૂસ કરી રહી છે પરંતુ તેનામાં કોરોનાના હળવા લક્ષણો જણાયા છે. ડોક્ટર સાથે ટચમાં છે અને તમામ સાવધાની રાખી રહી છે. આ સાથે જ અભિનેત્રીએ કહ્યું કે જે પણ લોકો તેના કોન્ટેક્ટમાં આવ્યા છે તેઓ પોતાનો કોવિડ 19 ટેસ્ટ જરૂર કરાવે. 

બોલીવુડમાં કોરોનાનો કેર જોવા મળી રહ્યો છે. અભિનેતા વિક્કી કૌશલ પણ કોરોના પોઝિટિવ આવ્યો છે. સોશિયલ મીડિયા પર પોસ્ટ શેર કરીને તેણે આ જાણકારી આપી છે. સમગ્ર બોલીવુડ પર કોરોના સંકટ તોળાઈ રહ્યું છે. એક પછી એક સેલિબ્રિટિઝ કોવિડ 19 પોઝિટિવ આવી રહ્યા છે. અત્રે જણાવવાનું કે બંદિશ બેન્ડિટ્સ અભિનેતા ઋત્વિક ભૌમિક પણ કોરોના પોઝિટિવ આવ્યો છે.