કંગનાએ આદિત્ય ચોપડા પર લગાવ્યો આરોપ, કહ્યું- ફિલ્મ રિજેક્ટ કરવા પર મળી હતી ધમકી

નવી દિલ્હીઃ બોલીવુડ અભિનેતા સુશાંત સિંહ રાજપૂત (Sushant Singh Rajput)ના નિધનને એક મહિના કરતા વધારે સમય થઈ ગયો છે. તેના મોત બાદથી બોલીવુડમાં નેપોટિઝમ (Nepotism)નો મુદ્દો ચર્ચાનો વિષય બન્યો છે. ઘણા અભિનેતા-અભિનેત્રીઓ બોલીવુડમાં પોતાની આપવીતી જણાવીને નેપોટિઝમ પર પોતાની મહોર લગાવી ચુક્યા છે. હાલમાં એક ઈન્ટરવ્યૂમાં કંગના રનોતે એક નવો ખુલાસો કરીને આ મુદ્દાને બળ પૂરુ પાડ્યું છે. 

સુલ્તાનને કહી હતી ના
બોક્સ ઓફિસ પર સફળતાના કીર્તિમાન સ્થાપિત કરનારી ફિલ્મ સુલ્તાન (Sultan)ની ઓફર પહેલા કંગનાની પાસે આવી હતી. પરંતુ કંગનાએ કોઈ કારણોસર ફિલ્મ કરવાનો ઇનકાર કરી દીધો હતો. આ ફિલ્મમાં મુખ્ય ભૂમિકામાં સલમાન ખાન હતો અને કંગનાએ ના પાડ્યા બાદ ફિલ્મમાં અનુષ્કા શર્માની એન્ટ્રી થઈ હતી. ફિલ્મ રિલીઝ થયાના આટલા વર્ષો બાદ કંગનાએ તે સમયની વાતોને ઉજાગર કરી છે, જેને જાણીને બોલીવુડ જગતમાં હલચક મચી ગઈ છે. જો તેના દ્વારા લગાવવામાં આવેલા આરોપો સાચા હોય તો આદિત્ય ચોપડા (Aditya Chopra) ગ્રુપે મુશ્કેલીનો સામનો કરવો પડી શકે છે.

આદિત્ય ચોપડાએ આપી હતી ધમકી
અમારી સહયોગી વેબસાઇટ Bollywoodlife માં છપાયેલા સમાચાર પ્રમાણે, કંગના રનોતે સુલ્તાનમાં કામ કરવાની ના પાડ્યા બાદ આદિત્ય ચોપડા ગુસ્સો થયા હતા. ફિલ્મમાં કામ કરવાનો ઇનકાર કરવા અને તે માટે સોરી બોલવા માટે તે ખુદ આદિત્ય ચોપડાને મળવા ગઈ હતી અને તે સમયે તેમને આ વાતથી કોઈ પરેશાની નહતી. આગામી દિવસે અખબારમાં તે સમાચાર છપાયા કે કંગનાએ સુલ્તાનને ના પાડી દીધી છે. તે વાંચ્યાની સાથે આદિત્ય ચોપડાનો ગુસ્સો સાતમાં આસમાને પહોંચી ગયો હતો. તેમણે કંગનાને મેસેજ કર્યો- તારી હિંમક કેમ થઈ? તું મને ન કહીશ... હવે તારૂ કરિયર સમાપ્ત.. (You are finished).'

સવાલોના ઘેરામાં આદિત્ય ચોપડા
સુશાંત સિંહ રાજપૂતના નિધનના કારણોની તપાસ ચાલી રહી છે. તેમાં ઘણા પાસા સામે આવ્યા છે, જેમાં આદિત્ય ચોપડાનું નામ લેવામાં આવી રહ્યું છે. તેવામાં કંગના રનોતનું નિવેદન આદિત્ય ચોપડા માટે વધુ મુશ્કેલી ઉભી કરી શકે છે. 

જુઓ LIVE TV